Rating kerfi - misnotkun?

[gRIMwORLD]

Mig langar að opna umræðu á misnotkun á rating kerfinu hér á vaktinni.

Opna spjallið nú í morgun og kominn með -1 á söluþráð sem er núna 3 ára gamall. Þegar ég skoða þá var þar á ferð aðili sem fékk -1 frá mér vegna þráðar sem hann stofnaði til nýverið um meinta "ripoff" starfsemi tölvuverslunar.

Commentið sem ég fékk með var eftirfarandi:

"Notandi er haldinn þeirri áráttu að beita kaldhæðni upp að ömurlega leiðinlegu marki, gerir lítið úr öðrum notendum í sumum tilvikum .. læt þetta duga hér sem comment. BOO"

Hvað finnst ykkur?

[Stutturdreki]

Ákaflega barnalegt.

Einhverstaðar sá ég að einhver fékk mínus stig fyrir að spyrja asnalegrar spurningar, hvað er málið með það? Alla þá tíð sem ég hef hangið á vaktinni hefur það einmitt verið staður fyrir fólk til að koma og spyrja asnalegra spurninga og fá svör og eða umfjöllun sem vonandi hjálpar viðkomandi að leysa vandamál eða fræðast frekar.

[KermitTheFrog]

Ákaflega lélegt verð ég að segja. Er ekki hægt að reporta notendur bara fyrir svona?

[GuðjónR]

Góðar ábendingar, gallinn við svona kerfi er sá að menn geta misnotað það. Það er hægt að mínusa í hefndarskyni.
Kosturinn er hinsvegar sá að stjórendur geta eytt út svoleiðis "hefndar mínusum" einnig er hægt að breyta stillingum þannig að notendur sem misnota kerfið missi möguleikann á því að gefa mínus stig. En svo getur líka verið erfitt að sjá hvenær er um hefnd og hvenær ekki.
Í þessu tilfelli skellir notandinn mínus á þriggja ára gamalt innlegg eftir að hafa fengið mínus sjálfur, það sýnist mér vera gert í pirringi og því ekki eiga rétt á sér en ég get auðvitað haft rangt fyrir mér.

Kerfið býður líka upp á það að gefa bara plús stig, það virkar þá þannig að almennt eru notendur ekki að fá nein stig nema það sé eitthvað sérstakt sem öðrum notendum finnst þeir eiga skilið að fá stig fyrir.

Hvernig finnst ykkur að við ættum að tækla þetta til framtíðar?
p.s. Stutturdreki, ég sé engin mínus stig hjá þér, gæti verið að sá sem gaf þér það hafi séð að sér og eytt því?

[Gúrú]

Ég segi engar reglur og ekkert vesen eða að hafa bara plúsa nú eða bara sleppa þessu kerfi.

Það væri líka asnalegt að refsa fólki þegar það eru engar reglur um kerfið.

Veðja líka á að þetta neikvæða rating og ummælin sem fylgdu þeim hafi átt að fara á mig/mitt comment.

[Stutturdreki]

p.s. Stutturdreki, ég sé engin mínus stig hjá þér, gæti verið að sá sem gaf þér það hafi séð að sér og eytt því?

Dæmið sem ég vísaði í átti ekki við mig sjálfan þótt ég eigi það vissulega til að spyrja asnalegra spurninga.

[GuðjónR]

p.s. Stutturdreki, ég sé engin mínus stig hjá þér, gæti verið að sá sem gaf þér það hafi séð að sér og eytt því?

Dæmið sem ég vísaði í átti ekki við mig sjálfan þótt ég eigi það vissulega til að spyrja asnalegra spurninga.

Það eru ekki til asnalegar spurningar, bara asnaleg svör.

[Hnykill]

Sammála því að bara verði hægt að gefa + en ekki - ..þakka fyrir góða hjálp eða leiðbeiningar o.s.f, og koma bara með mótsvar í umræðuna ef menn eru ekki samsinna einhverju. stað þess að gefa - í hvert skipti sem einhverjum líkar ekki eitthvað sem sagt er.

[jericho]

Annaðhvort:
a) bara hægt að gefa plús

eða:
b) sleppa þessu rating system

mín skoðun

[GuðjónR]

Eins og alltaf þegar upp koma álitamál þá fær meirihlutinn að ráða.
http://spjall.vaktin.is/viewtopic.php?f=46&t=64500

[Hannesinn]

Sleppa þessu alfarið. Hefur engan tilgang.

[GuðjónR]

Sleppa þessu alfarið. Hefur engan tilgang.

Tilgagsnlausir hlutir geta verið skemmtilegir.
Vaktarar eru búnir að biðja um þetta í mörg ár.

[dori]

Hafa þetta bara eins og það er eða bara plús. Fínt að hafa þetta kerfi inni.

[zedro]

Þetta er fínt kerfi. Ég myndi samt vilja sjá það sem skyldu að setja athugasemd þegar viðkomandi rate'ar eitthvað.
Taka það fram afhverju viðkomandi fékk plús/mínus. Þeir sem misnota kerfið missa svo möguleikann á því að rate'a.

[rapport]

Þessi þráður væri miklu skemmtilegri og betur rate-aður ef það væru screenshot með blurruðum notendanöfnum í OP...

[bigggan]

Frekar hafa þetta aðeins svo hægt er að gefa jákvæð "rate" þá er ekki hægt að misnota þetta eða eikvað svoleiðis, og þau sem skrifar gott fæ plussa.

Flest spjallborð eru með það þannig.

[gRIMwORLD]

Sé það eru mismunandi væntingar til þessa kerfis. Mér persónulega finnst í lagi að hafa +/- en það ætti auðvitað að nota - á skynsaman máta.
Alveg eins og dómarar í boltaleikjum fá ekki að dæma meira ef þeir standa sig illa þá mætti skoða áminningar ef notendur eru að rate'a niður pósta þegar það á alls ekki við. Held það sé í algjörum undantekningum sem slíkt gerist þó.

[Sallarólegur]

Alveg sammála þeim að ofan hérna, hafa þetta bara eins og á Facebook, bara hægt að gefa plús.

[FreyrGauti]

Nákvæmlega það að Sallarólegur se kominn með minus fyrir að segja skoðun sina sýnir hvað þetta er notað vitlaust.

Hver á tilgangurinn að vera með kerfinu, sýna hverjir eru hjálplegir, hverjir eru traustir i viðskiptum?
Eða á þetta að vera notað eins og facebook þar sem menn like'a hluti sem þeim finnst fyndnir eða eru sammála, og þá dislike'a þá sem þeir eru ekki sammála?

Ef þetta a að vera gagnlegt þá þarf að hafa báða möguleika og setja reglur, ef þetta á bara að vera eins og like takkinn á facebook þá er þetta algjörlega pointless og ætti ekki að hafa sem "reputation" gildi a notanda.