Góðan dag,
Ég var að kaupa mér phillips hue led borða og ætla að skipta því út fyrir ljós undir eldhússkáp.
Get ég tengt það við rofann sem er til staðar, og þegar ég kveiki á þeim rofa þá kveiknar á led borðanum á einhverri pree stillingu með hvítu? Og nota svo bara app ef ég vill breyta lit.
Já, þú getur tengt borðann í rafmagnúttak sem er tengt við rofa og fengið fram þessa hegðun. Með þeim fyrirvara að rafmagnsúttakið sé 240 volt og þú tengir í 240 volta rafmagnsinntakið (klóna) á borðanum.
Ef þú ætlar að nota appið þeirra, þá setur þú upp borðann í appinu, ferð síðan í "Settings" (í valmyndinni neðst á símaskjánum), velur þar "Power-on behavior". Í þeirri mynd sem kemur upp þar smellir þú á það ljós sem þú ætlar að breyta, í þínu tilfelli ljósaborðann, í myndinni sem þá kemur upp velur þú "Custom" og þar getur þú valið lit og birtu sem á að vera þegar þú kveikir á ljósinu.
