Að kaupa notaðan bíl - Ráð?

[Njall_L]

Sælir vaktarar

Nú er ég að hugsa um að kaupa mér notaðan bíl af bílasölu og vantar ráðleggingar með hvað er sniðugt að hafa í huga til að kaupa ekki köttinn í sekknum.

Ég áætla að fara með bílinn í þjónustuskoðun, eru einhver verkstæði betri en önnur?
Umræddur bíll sem ég er að hugsa um er notaður bílaleigubíll, er eitthvað sem þarf sérstaklega að varast í þeim?
Ef eitthvað finnst að, mekanískt, útlitslegt eða annað, hversu mikið rými get ég áætlað til að semja um verð á bílnum?

Öll ráð eru vel þegin, ekki bara þau sem ég taldi upp hér að ofan

[Dropi]

Umræddur bíll sem ég er að hugsa um er notaður bílaleigubíll, er eitthvað sem þarf sérstaklega að varast í þeim?

Það var nú stór skandall um árið með bílaleigubíla setta á endursölu með kílómetramælinn færðan tilbaka. Stundum um fleiri tugi þúsund kílómetra, gott að hafa þetta í huga. En þetta var svo stórt mál á sínum tíma að mér finnst ólíklegt að einhver reyni þetta núna, en það er aldrei að vita...

[HalistaX]

Þjónustuskoðunin sem þú nefndir er eitt, tvö og þrjú í mínum huga! Áður en ég keypti minn síðasta þá komu þrjú skipti í röð þar sem ég hugsaði "What's the worst that could happen??" og keypti 3 mishandónýta bíla sem endust misvel en allir illa samt sem áður!

Og svo er lang best að nota "Buddy-Systemið", þar að segja vera með einhvern félaga og vin sem þú treystir og kann bíla eins og handabakið á sér með þér þegar þú skoðar bílinn og prufukeyrir! Það klikkar seint sem aldrei!

[Baldurmar]

Söluskoðun/Þjónustuskoðun !

Fyrst að þetta er bílaleigubíll skaltu reyna fá eins mikið af pappírum og eru til frá þeim.

• Hvenær og hvað hefur verið lagað, hvenær og hversu oft var hann "skoðaður" (væntanlega er þetta nýr bíll og hefur því ekki þurft venjulega ársskoðun)
• Hvenær og hversu oft var skipt um olíu; olíusíu, loftsíur og frjókornasíur
• Hefur verið skipt um/bætt á olíu á gírkassa/skiptingu (Þarf ekki endilega að hafa verið gert)
• Hefur einhverntíma þurft að lagfæra eitthvað í stýrisbúnaði
• Ástand á bremsuklossum/diskum

Passaðu svo bara að km fjöldinn á þessu pappírum stemmi við dagsetningar:

Umræddur bíll sem ég er að hugsa um er notaður bílaleigubíll, er eitthvað sem þarf sérstaklega að varast í þeim?

Það var nú stór skandall um árið með bílaleigubíla setta á endursölu með kílómetramælinn færðan tilbaka. Stundum um fleiri tugi þúsund kílómetra, gott að hafa þetta í huga. En þetta var svo stórt mál á sínum tíma að mér finnst ólíklegt að einhver reyni þetta núna, en það er aldrei að vita...

Miðað við að Procar hefur ekki þurft að loka eða fengið neina sekt þá finnst mér ekkert ólíklegt að það séu fleiri í þessu...

[Predator]

Alltaf gott að fá söluskoðun á bílinn. Ef þú ert að kaupa af Avis(ALP), Hertz eða Höldur þá á viðhaldi að hafa verið sinnt vel ekki eins vel veit ég hjá Bílaleigu Kynnisferða en þarft ekki að hafa áhyggjur af kílómetrastöðu hjá þessum aðilum því það er allt í standi. Átt að geta sótt ábyrgð til þessara aðila í amk 6 mánuði eftir kaup en þá að sjálfsögðu á stórum hlutum eins og vél og gírkassa en ekki bremsum.

Ef eitthvað er að bílnum þá eru þessir 3 aðilar amk oftast tilbúnir að laga það sem umræðir fyrir þig og hægt að fá það skráð í afsal.

[Njall_L]

...ekki eins vel veit ég hjá Bílaleigu Kynnisferða...

Umræddur bíll sem ég er að hugsa um er akkúrat í eigu Bílaleigu Kynnisferða, takk fyrir þetta input

Fyrst að þetta er bílaleigubíll skaltu reyna fá eins mikið af pappírum og eru til frá þeim.

Góð pæling, var ekki endilega búinn að pæla í þessu.

Varðandi kílómetramælinn þá er það eina atriðið sem ég er smeykur við varðandi bílaleigubíl. En auðvitað gætu einstaklingar líka unnið þessar aðgerðir ef þeir vildu. Aðal málið sýnist mér að skoða bílinn vel og fá mat frá þriðja aðila.