[ÓE] Ráðleggingar með að laga/ taka í gegn lakk á bíl

[Já fínn já sæll]

Góðan daginn,

Mig langar að vita hvort það borgi sig að ráðast í að láta massa/sprauta/laga það sem er að boddíinu á bílnum mínum. Hann kostaði rúma milljón og er keyrður 170k. Þetta er fyrsti bíllinn minn og ég hef aðeins verið að pæla í að kaupa nýjan bíl eftir svona eitt ár en hef svosem enga ástæðu fyrir því nema mig langar í Golf GTE Þetta er já VW Polo 2010, fínn bíll og hefur ekki sleigið feilpúst hjá mér ennþá. Ég hef þrifið hann nokkuð reglulega frá því ég keypti hann (var þá ekinn 103.000) og sinnt öllu viðhaldi. Ég hef verið að pæla í að kaupa mér græjur og efni í að massa hann og ætlaði að taka helgi í það og setja á hann keramik coat (sennilega frá G-Techniq) Ég hef hinsvegar aðeins verið að pæla bara hvort það sé nóg því það eru nokkrar ansi djúpar rispur eins og sést á myndunum sem ég er hræddur um að þurfi bara að sprauta. Hvað segið þið, borgar sig að svo mikið sem hugsa út í þetta eða er bara um að gera að ráðast í þetta? Myndi alveg treysta mér í að gera þetta sjálfur, er með aðstöðu til þess en er líka alveg til í að láta fagmenn um verkið. Er einhver hér með ráðleggingar eða reynslu? Læt fylgja myndir af bílnum sem ég tók í dag eftir þrif!

Öll svör vel þegin!

Fyrirframþakkir,
Sigþór

20190528_174742.jpg (2.14 MiB) Skoðað 2832 sinnum

Litlir blettir sem virðast vera ryðblettir eða ryð að byrja að myndast.

20190528_174601.jpg (1.79 MiB) Skoðað 2832 sinnum

20190528_174606.jpg (2.32 MiB) Skoðað 2832 sinnum

20190528_174656.jpg (2.36 MiB) Skoðað 2832 sinnum

20190528_174715.jpg (1.62 MiB) Skoðað 2832 sinnum

20190528_174708.jpg (2.66 MiB) Skoðað 2832 sinnum

20190528_174545.jpg (1.66 MiB) Skoðað 2832 sinnum

20190528_174611.jpg (1.16 MiB) Skoðað 2832 sinnum

20190528_174629.jpg (2.04 MiB) Skoðað 2832 sinnum

[Kull]

Það borgar sig seint að sprauta milljón krónu bíl, það er fljótt að fara í hundrað kallana. Eins og kaupa græjur og efni er örugglega hátt í að láta bara fagmann gera þetta. Ég myndi tala við hann hjá Massabón, hann er mjög góður í þessu.

[RassiPrump]

Getur fengið touch up kitt hjá heklu sem er lakk og glæra til að bletta í þetta mesta eins og til dæmis á afturstuðaranum. Ég keypti Rupes hjámiðjuvél hjá Málningarvörum, kemur í tösku með vél, 4 púðum og 4 brúsum af mössum. Rosalega góð vél og auðveld í notkun. Hentu á mig skilaboðum ef þú hefur einhverjar spurningar.

[Henjo]

Ef þú ert að spá með sölu á honum seinna, þá ertu aldrei að fara fá þennan pening til baka sem þú eyðir í að laga einhvað svona smotteri eins og rispur.

[Sallarólegur]

Það borgar sig aldrei að taka í gegn lakk á bílum Frekar að selja þennan og kaupa annan með betra lakki.

Fínt að bletta í rispur og massa hann.

Bílar brenna peninga hraðar en flugeldar.

[appel]

Fyrst þetta er VW þá mæli ég með sölu, enda ekki eilífðarbílar einsog gamlar toyotur. Fyrsti bíllinn minn var VW, átti hann í 1 ár, og hann fór oftar í viðgerð heldur en toyotan sem ég hef átt í 20 ár síðan þá.

Annars er ég áhugasamur um þennan þráð þar sem ég myndi sennilega vilja endursprauta toyotuna mína sem verður 20 ára núna í ágúst.

[daremo]

Fyrir brúnu blettina er sennilega þessi clay bar sem hann notar í vídeóinu málið.
Er þetta ekki bara drulla sem er föst í lakkinu, frekar en ryð?

[Já fínn já sæll]

Fyrir brúnu blettina er sennilega þessi clay bar sem hann notar í vídeóinu málið.
Er þetta ekki bara drulla sem er föst í lakkinu, frekar en ryð?

Jú það getur verið, ég vona það allavega Hef einmitt horft á þetta video, mjög góðar upplýsingar að fá þarna.

Ef þú ert að spá með sölu á honum seinna, þá ertu aldrei að fara fá þennan pening til baka sem þú eyðir í að laga einhvað svona smotteri eins og rispur.

Er ekki að spá í sölu á næstunni, vill bara ekki láta hann grotna niður á meðan ég nota hann daglega.

Fyrst þetta er VW þá mæli ég með sölu, enda ekki eilífðarbílar einsog gamlar toyotur. Fyrsti bíllinn minn var VW, átti hann í 1 ár, og hann fór oftar í viðgerð heldur en toyotan sem ég hef átt í 20 ár síðan þá.

Annars er ég áhugasamur um þennan þráð þar sem ég myndi sennilega vilja endursprauta toyotuna mína sem verður 20 ára núna í ágúst.

Klárlega ekki "eilífðarbílar" eins og gamlar toyotur en ég hef haldið honum á veginum í rúmt ár og keyrt rúma 60 þúsund km á þessum tíma. Hef farið í smurningu á 15.000km fresti og á þessum tíma hef ég skipt um bremsuklossa/diska, alternator, tímareim og rafgeymi. Þegar ég skipti um þessa hluti þá var það í fyrsta skipti (aldrei áður verið skipt um þessa hluti) svo ég geri ráð fyrir að þurfa ekki að eiga við þessa hluti allavega næstu árin

[gunnji]

Hvernig þrífurðu bílinn vanalega? Ef þú gætir farið í gegnum ferlið.
Þessir litlu blettir er að öllum líkindum bara tjara. Nota tjöruhreinsi á bílinn, restinni nærðu af með sonax Hardwax.
Með felgurnar, lítið annað að gera en að slipa niður skemmdina og sprauta alla felguna, það gæti orðið fjarskafallegt. Ef þú hefur tíma og þolinmæði þá gætirðu sparslað í skemmdina og reynt að gera þetta þannig að það sé ekki hægt að taka eftir þessu.
Getur blettað í steinkasts skemmdirnar með lakki frá poulsen eða heklu, gott að nota nál.
Með rispaða plastið, Þá þarf að slípa það niður og sparsla og sprauta upp á nýtt. Erfitt að gera það vel án nokkurrar reynslu.
Rispurnar á mynd 8 gætirðu mögulega gert minna áberandi með mössun.

En ef þú ert að hugsa að láta bílinn ekki grotna niður þá skaltu ekki pirra þig mikið á þessum plastskemmdum, þær verða ekki verri.
Verja allan beran málm sem þú sérð með lakki, Bóna bílinn reglulega. Youtube er með MIKIÐ af ráðum varðandi bílaþrif. Mæli með Chrisfix þar.

VW eru ekkert minna eilífðarbílar heldur en hver annar, 28 ára Golfinn minn er ágætis dæmi um það.

[RassiPrump]

Þessir "ryðblettir" eru sennilega bara óhreinindi föst í lakkinu eins og áður hefur komið fram, tók bíl með mjög svipuðum blettum í gegn fyrir ekki svo löngu síðan sem hafði staðið mikið þar sem selta var í loftinu og var allur í þessum blettum. Mæli með að þú fáir þér fínan leir eða leirhanska, ef þú ætlar ekki að massa bílinn, en gætir kannski sloppið með medium, hef lent í því að leira bíl með Medium/grófum leir sem ég þurfti svo að massa á eftir, því að leirinn skildi eftir sig rispur (fyrsta og eina skipti sem ég kaupi leir frá Ali frænda...)

Og varðandi bón, skoðaðu Fusso 12 months, vangefin ending, perlar eins og andskotinn, geggjaður gljái, mjög auðvelt í notkun og dollan dugir á yfir 10 bíla/skipti ef þú passar þig að bera ekki of mikið á.