Kaupa fartölvurafhlöðu af netinu.

[steinihjukki]

Sælir.
Rafhlaðan í fartölvunni minni er búin. Hef verið að skoða nýjar á netinu. Sé að langódýrast er að panta frá Kína en er því treystandi? Hefur einhver reynslu af að panta slíka tölvuhluti þaðan? Tölvan er Toshiba Satellite p850. Einnig langar mig að vita hvernig maður veit að rafhlaðan passar, er t.d. nóg að rafhlaðan sé merkt fyrir TS p850 eða þarf að athuga fleiri hluti eins og "part #" eða "serial #"? Eða bara einfaldlega hvernig farið er að því að panta svona hluti af netinu.
kv steinihjukki.

[fedora1]

Það er sagt að rafhlöður séu eins og "ferskvara" það þeir slakna bara við það að bíða upp í hillu.
Ég hugsa að ef þú vilt fá rafhlöðu sem á að endast eins og original vara, þá sé betra að velja traustan aðila frekar en þann ódýrasta.
En ef týpu númerið þitt er í listanum fyrir þessa rafhlöðu, þá ætti það að vera nóg, yfirleitt sama rafhlaða í yfirtýpur af vélum.

[pegasus]

Ég keypti rafhlöðu fyrir gömlu Lenovo 3000 V100 vélina mína af eBay fyrir u.þ.b. 3 árum síðan af þriðja aðila. Pældi ekkert í serial númer eða slíku, leitaði bara eftir tölvunafninu og fór eftir myndum til að vera viss. Hún er enn í vélinni og endist svei mér þá ekkert síður heldur en original rafhlaðan og batterí númer tvö frá Nýherja. Hún lítur eins út og original en er úr meira "cheap" plasti og fittar ekki alveg jafn vel í tölvuna (millimetraspurnsmál). Þetta er hins vegar ekkert sem hefur pirrað mig enda var þetta töluvert ódýr endurlífgun á annars ónothæfri fartölvu.