Net yfir rafmagn - Úr íbúð í geymslu

[Gefitinib]

Daginn,
velkomin/inn öll á fætur eftir páskasukkið.
Hef verið að spekúlera hvernig ég set upp media-serverinn minn en mér hefur dottið í hug að koma honum fyrir inni í geymslu (er í fjölbýlishúsi á jarðhæð, sömu hæð og geymslurnar), einhverra hluta vegna fer hugmyndin um að hafa tölvu í íbúðinni mjög mikið í taugarnar á konunni.
Er möguleiki að leiða net í gegnum rafmagn úr íbúðinni yfir í geymsluna, þar sem ég gæti plantað honum til frambúðar?

[hagur]

Mér skilst að það sé hæpið að fá þetta til að virka nema sendir og móttakari séu á sömu grein, en það verður væntanlega ekki tilfellið hjá þér þar sem að geymslurnar eru væntanlega á allt annari grein/öryggi. Nema einhver hér geti slegið þetta alveg 100% útaf borðinu, þá er eina almennilega leiðin auðvitað að prófa þetta.

Ef geymslan þín og íbúðin er samliggjandi þá væri freistandi bara að bora gat í gegn og leiða CAT kapal.

[roadwarrior]

Það að geymslan og íbúðin sé ekki á sömu grein skiftir engu máli. Það sem skiftir máli er hvort það sé sami FASI á íbúðinni og geymslunni. Í því tilliti getur skift máli aldur og stærð á húsinu sem þú býrð í. Eldri fjölbýlishús eru oft með einungis einn fasa inn. Svo spilar líka inní hvort geymslan sé á sameiginlegum mæli fyrir sameignina. Ekki viss um að aðrir íbúar séu happy ef það er tölvubúnaður í gangi allan sólarhringinn inní þinni geymslu á kostnað húsfélagsins

[fedora1]

Eru rafmagn á geymslum ekki oftast á mæli íbúðar ? Það var amk. þannig þar sem ég bjó.
En já, þetta er FASA mál og einfaldast að fá svona tæki lánað hjá einhverjum ef þú getur og prófað hvort þetta virki, það er líka mjög breytilegt hvað er mikið af truflunum sem hafa áhrif á hraða... en tcp samskipti virka yfirleitt þokkalega yfir svona, sjónvarpið (notar udp) er hins vegar oftast vesen.

[Tbot]

Í mörgum fjölbýlishúsum er geymslan á sama mæli og íbúðin. Þannig að það er sami fasi.
Þetta er vegna þess að margir eru með frystikistur og slíkt í geymslum.

Erfitt þó að segja nákvæmlega hvernig þetta er í hverju húsi fyrir sig nema aðstæður séu skoðaðar.

[Kristján Gerhard]

Það er ekki gefið að geymslan sé á sama fasa þó svo að hún sé á sama mæli. Mælarnir geta verið þrífasa og geymslan getur verið á annari kvísl.

[hagur]

Gott að fá á hreint að þetta þurfi að vera á sama fasa, en ekki sömu grein. Það meikar talsvert meira sense

[Blackened]

Síðan ef að þú ert ævintýragjarn þá er hægt að draga ljósleiðara úr íbúðinni yfir í geymsluna eftir rafmagninu og setja ljósbreytur á sitthvorn endann

...En það er ekki ódýrasta eða þægilegasta leiðin svosem oft á tíðum

[Gefitinib]

Sælir/Sæl,
takk fyrir rösk og góð svör.
Held að eina viti sé að láta reyna á þetta.

Bkv.
Gef

[Televisionary]

Einu sinni bjó ég í gömlu fjölbýlishúsi á annari hæð og þar var skorsteinn sem hafði verið tekin úr notkun og fékkst leyfi til að bora í hann og draga netkapla þar í gegn og yfir þvottahúsið og inn í geymsluna mína, þar hýsti ég rack mount netþjón sem blés eins og þota (Apple Xserve).

Það kom mér á óvart hversu vel gekk að fá samþykki fyrir þessu.

[magubu]

Virkar ekki milli fasa sem er ástæðan fyrir að ég mæli aldrei með þessu fyrir nýleg hús, getur örugglega fengið að kaupa og skila eða jafnvel fundið skilavöru og prófað hana. Oft þarf samt 2-3 skipti til að tengja.

[Bengal]

Hvernig gekk þetta hjá þér?
Ég er að glíma við sömu pælingu. Er á 4hæð í blokk og þarf að koma neti niðrí geymslu hjá mér :s