Blurry fartölvuskjár - hjálp

[Swooper]

Sælir,
ég er með glænýja Toshiba fartölvu (myndi linka beint á speccana en hún er ekki lengur á tl.is og ég man ekki hvað týpan heitir ) sem er með full HD skjá, NVidia GeForce GT745M skjákort og almennt mjög öflug græja. Um daginn tók ég hins vegar eftir því að skjárinn var orðinn svona blurry einhvern veginn, kannski eins og ef ég væri að nota geðveikt lélegt skjákort. Ég held að það hafi líklega byrjað þegar ég tengdi vélina fyrst við sjónvarpið mitt með HDMI tengi. Ég er búinn að skoða grafíkstillingar en hef ekki grætt neitt á því. Einhver með tips?

[Demon]

Sennilega ertu með ranga upplausn stillta á. Skoðaðu google með "change resolution windows"

[Swooper]

Það var það fyrsta sem ég tékkaði á. Upplausnin er alveg rétt, 1920x1080. Það sem mig grunar að sé að gerast er að hún er af einhverjum ástæðum föst í innbyggðu grafíkstýringunni (Intel HD 4600) í staðinn fyrir að nota skjákortið. Ég finn hins vegar hvergi einhverja stillingu til að skipta á milli... wat do?

[Demon]

Skil þig, innbyggða skjástýringin hefur aldrei skilað sér í blurry mynd í neinum lappa sem ég hef prófað. Mögulega er þetta eitthvað hardware issue sem þú þarft að skoða með Tölvulistanum?

[Swooper]

Já, mögulega... var að vonast til að það væri einhver einföld lausn sem ég gæti græjað sjálfur áður en ég þyrfti að fara með hana þangað.

[Swooper]

Fór með vélina í Tölvulistann í vikunni, eftir að hafa fiktað í öllum stillingum sem ég fann, uppfært drivera og hvaðeina. Kom í ljós að það sem ég þurfti að gera var bara að fara í Personalize > Display og haka við eitthvað skölunardót þar.

...Af hverju er ekki hægt að hafa bara allar grafíkstillingarnar á sama stað? >_<

[upg8]

Var þetta vandamál í öllum forritum? Eða kom þetta þegar þú varst að nota Google Chrome eða annan forrit hannað af einum af þeim fyrirtækjum sem harðneita að lúta undan tilmælum Microsoft varðandi display scaling?

[Swooper]

Þetta var í öllum forritum, sást t.d. mjög vel á textanum í Device Manager í Windows...