365 byrjaðir að bjóða upp á ljósleiðara/ljósnet

[sfannar]

Svo vantar greiðslugjald/seðillgjald *3 að minnsta kosti.

[AntiTrust]

Kemur 365 til með að innheimta línugjöld sjálfir?

[tdog]

Afsakið náriðilsháttinn, en nú hefur dregið til tíðinda.


Netþjónustan
Ég er búinn að liggja yfir 365.is núna síðustu klukkutímana og skoða pakkana þeirra. 365 eru farnir að kalla netþjónustuna sína „Ljóshraða“, sem eykur þá ruglinginn í netþjónsutunni um 1/3, því fyrir eru fyrirtækin að kalla sínar þjónustur „ljósleiðara“ annarsvegar og „ljósnet“ hinsvegar. „Ljóshraða“netið er hægt að fá afhent yfir bæði ljósleiðaranet GR og Ljósnet Mílu. 365 segist bjóða „Internet á ljóshraða“ sem er ekkert nema rangfærsla, því að það var núna fyrst í mars 2013 sem að vísindamönnum tókst að ná hraða á ljósleiðara ná 99.7% af ljóshraða, en glerið sem notað er í almenna ljósleiðara í dag kemur ljósinu ekki nema á 69% af ljóshraða.

Mér finnst þeir líka frekar dúbíus í auglýsingum; bjóða t.d frítt net og heimasíma gegn því að greiða áskriftargjald. (Sem er í raun ekkiert ósvipað því að bjóða fríann hamborgara, ef þú kaupir kók með á 2.390).

Í verðskránni fyrir internet er útgöngugjaldið 0 kr en ef smáa letrið er skoðað kemur fram að það sé 12.000 kr ef uppsögn á sér stað innan 3ja (uppsetningargjald )mánaða og 6.000 kr ef hún á sér stað innan 6 (útgöngugjald).

Það er því ekki annað að skilja af verðskránni en að kúnni sé rukkaður um 18.000 krónur segi hann þjónustunni upp innan 3 mánaða, því uppsögnin uppfyllir skilyrðin fyrir bæði uppsetningargjaldið (12.000 kr) og útgöngugjaldið (6.000 kr). Ég sé því ekki hvernig það sé „raunverulegur sparnaður í þágu heimilanna“ eins og þjónustan er auglýst.

Auka gagnamagn er svotil ruglingslegt í verðskránni, þar er talið upp bæði „meira magn“ og „umfram meira magn“, það fyrrnefnda á þúsund krónur og það síðarnefnda á tvö þúsund krónur.

Símaþjónustan
Sé smellt á hlekkinn „Heimasími“ er skrifað stórum stöfum „Aðeins 1 kr. á mínútu“. Sé hinsvegar farið í verðskránna er þetta bölvað kjaftæði og rangfærsla, því mínútugjöld í „Alla heimasíma innanlands“ eru 2,9 kr/mín og mínútugjald í farsíma er 22kr/mín. Það stendur því ekki steinn fyrir steini í fullyrðingum fyrirtækisins.

[KermitTheFrog]

Símaþjónustan
Sé smellt á hlekkinn „Heimasími“ er skrifað stórum stöfum „Aðeins 1 kr. á mínútu“. Sé hinsvegar farið í verðskránna er þetta bölvað kjaftæði og rangfærsla, því mínútugjöld í „Alla heimasíma innanlands“ eru 2,9 kr/mín og mínútugjald í farsíma er 22kr/mín. Það stendur því ekki steinn fyrir steini í fullyrðingum fyrirtækisins.

Þú færð default 100 mín í heimasíma með þessum pökkum. Ef þú vilt geturu bætt við 500 mín fyrir 500 kall eða 1000 mín fyrir 1000 kall, hence 1 kr/mín.

Umfram þetta reiknast svo líklega út frá hefðbundinni verðskrá.

En vissulega er verið að fegra dæmið og fela aukakostnað til að lokka fólk að.

[appel]

Svolítið erfitt að átta sig á þessu. Fjarskiptaumhverfið orðið svo déskoti flókið á Íslandi, ég skil ekki neitt hvernig þetta virkar lengur

[beatmaster]

Er þetta ekki Vaktin?, hvað með net.vaktin.is?

[chaplin]

Er þetta ekki Vaktin?, hvað með net.vaktin.is?

Ég actually tek undir það! Menn eru endalaust að ræða þessi mál fram og til baka!

[dreymandi]

Má ekki ræða hlutina ?

[jagermeister]

Má ekki ræða hlutina ?

töflur með litum eru miklu skemmtilegri

[natti]

Má ekki ræða hlutina ?

töflur með litum eru miklu skemmtilegri

Ef það væri nú bara hægt að gera "einfaldan" samanburð á þessu.
PFS hefur gert heiðarlega tilraun til þess með http://www.reiknivel.is/ ...
(Vantar samt að geta sýnt sögu um hækkanir/lækkanir etc.)
En fyrirtækin passa sig upp á að bjóða upp á "mismunandi" pakka og mismunandi combo þannig að þetta er alltaf bara samanburður á epli og hjólbörum.