Ég er með MSI K7N2G móðurborð sem er aðeins 9 mánaða gamalt, einnig er ég með Athlon 2500 XP Barton örgjörva. Þetta hefur verið að keyra fínt í tölvunni minni með 2* 256 mb Kingston minniskubbum. ÉG hef verið að keyra hana á 166 FSB og allt virkað fínt.
Í gær var ég að fikta, ég á eldra MSI móðurborð með 800 mhz Duron örgjörva. Eitthvað bilaði í þeirri tölvu og mig langaði að vita hvort það væri örgjörvinn sem væri farinn eða móðurborðið, svo ég tók Duron 800mhz örgjörvan úr gamla móbóinu og smellti í MSI K7N2G móbóið sem er gert fyrir örgjörva frá 600mhz. Tölvan ræsti sig, en ekkert kom á skjáinn þannig að ég slökkti á henni fljótlega.
Setti svo Barton örgjörvan aftur í eins og það hafði verið og ræsti tölvuna. En eftir nokkrar sekúndur þá slökknaði á tölvunni. Ég prófaði aftur og alveg sama sagan. Þá fór ég í biosinn í flýti og breytti FSB í 100. Þannig gengur tölvan án vandræða. CPU hitinn er 52°C sem mér finnst svoldið heitt á aðeins 100 FSB en veit að efstu eru 75°C fyrir þennan örgjörva.
Hvað haldið þið að hafi gerst? er ég búin að rústa móbóinu með því að setja gamla 800 mhz örgjörvan í ? sem líklega var að keyra á 166 FSB sem hann réði auðvitað ekkert við, en ég komst ekki í biosinn til að breyta þessu því ekkert sást á skjánum.
Gæti verið að ég þyrfti að breyta einhverjum stillingum í bios fyrir móðurborðið? Gæti virkað að hreinsa cmos stillingar? t.d. með því að taka batteríið úr? lendi ég þá í vandræðum með að keyra upp stýrikerfið?
HJÁLP!!!!!
Sera tölvufiktari
