hreinsa viftur

[zaiLex]

Er núna búinn að eiga fartölvuna mína í eitt ár. Er ekki málið að hreinsa vifturnar á árs fresti? Ég gerði það allavegana alltaf með gömlu fartölvuna mína og hún virkaði betur fyrir vikið. En það var ASUS tölva og núna er ég með HP. Hvað getið þið sagt mér um þetta mál?

[einarhr]

Sæll

Jú það er gott ráð að hreinsa tölvur af ryki reglulega. Þær safna ryki og minkar það kælingu á örgjörva og eykur hitamyndun inni í vélinni sem getur orsakað bilanir í vélbúnaði. Það er mismunandi erfitt að komast að kæliviftum í fartölvum, sumar eru með hlíf yfir viftum undir vélinni sem auðvelt er að opna en aðrar þarf að taka í sundur til að komast að þeim. Það getur dugað að blása úr viftum með þrýstilofti á brúsa án þess að opna vélina en þá er mikilvægt að láta ekki viftuna snúast á fullu þegar það er gert því það getur skemmt leguna í viftunni.

Best er að láta þjónustuaðila vélarinnar gera þetta svo þú lendir ekki í vandræðum með ábyrgðina, Opin Kerfi er þjónustuaðili HP Compaq á Íslandi.