spjallid.is

appel skrifaði:...

GuðjónR skrifaði:

appel skrifaði:...

Frábær grein hjá þér og rétt, vona að Smáís menn lesi hana og taki til sín.

worghal skrifaði:...

worghal skrifaði:

fannar82 skrifaði:En með appstore og annað slíkt? er STEF\Smáis á svoleiðs?
Ég tók eftir póst frá GuðjóniR umdaginn að hann var að tala um að alltíeinu hefðu öll Öpp hækkað um 25.5% það er líklegast bara vaskur or sum en eru stefgjöld af öppum shii maður ætti kanski ekki að vera gefa þeim hugmyndir, en ef svo er getum við þá ekki bara rottað okkur 30-50 saman gefið út eitt app og sótt um að vera meðlimir og þá komnir með meirihluta atkvæði einsog Rappaport var að tala um


god, það væri nett trolling

ég hef trú á því að þetta hafi bara verið vaskur, engin stef gjöld á apps þar sem flest þeirra eru með OST.
en með tölvuleikina og að þeir fari undir smáís, þá væri það slæmt move og mundi örugglega leiða til þess að steam og origin falli undir þennan "ólöglega" flokk sem þeir eru búnir að koma upp.

bixer skrifaði:afsakið off topic en mig langaði bara að monta mig af því að ég eldaði 2 sinnum fyrir snæbjörn um helgina.

on topic: Ég skil það að fólk vilji vernda það sem það gerir og líti illa á torrent en þetta er vitlaus leið, þeir þurfa að vinna með tækninni ekki á móti...

appel skrifaði:http://smais.is/hugverk/SM%C3%81%C3%8DS ... 0URHAL.pdf

Mér finnst þessi samanburður hjá Smáís vera ógeðfelldur.

Því miður hefur BitTorrent staðallinn verið notaður mikið af þeim vilja
hagnast af brotum á höfundavörðu efni. Þessi tenging er svo sterk í
hugum margra að flestir heiðarlegir aðilar vilja ekki bendla nafn sitt við
þessa tækni. Í raun er það ekkert óvenjulegt og þekkist víða í
viðskiptum, t.d. þá færi enginn að auglýsa barnamat í klámblaði þó
svo að lesandahópurinn gæti verið stór.

appel skrifaði:Það sem Smáís skautar framhjá hérna er að neysluvenjur fólks hafa breyst. Í dag vill fólk horfa á efni hvar sem er hvenær sem er, og það vill geta horft á efnið nánast um leið og það kemur út í BNA. Ekki á fyrirfram ákveðnum tíma sjónvarpsstöðvanna eða í fangelsum bíóhúsanna, heldur heima í stofunni þar sem 50" flatskjárinn er með 5.1 heimabíó.

Barátta SMÁÍS fyrir að menn fái greitt fyrir sína vinnu er réttmæt, en aðferðin er kolröng og hvernig SMÁÍS nálgast vandamálið ber vott um skilningsleysi og ákveðið vitsmunaþroskaleysi. Þeir þurfa að gjörbreyta hugsunarhætti sínum og hætta að hugsa um neytendur sem glæpamenn sem þarf að refsa og aga. Neysluvenjur fólks hafa breyst gríðarlega mikið með tilkomu internetsins og einkatölvunnar. Frekar en að leita leiða til að koma í veg fyrir þessar neysluvenjur ættu þeir frekar að skoða hvernig þeir geta stutt við þær, aukið löglegt aðgengi fólks að afþreyingarefni og jafnframt leitað leiða til að lækka kostnað á neyslu efnisins.

Daz skrifaði:<snip>
Það var bara VSK. Það þarf ekki nein stef gjöld af tölvuleikjum og "öppum", því rétthafinn fær sína greiðslu beint frá kaupanda. Þegar við verslum í APP store/Play store/Steam þá erum við að borga framleiðanda beint (ok, í geginum einn millilið, sem tekur sín 95%). Það er aftur á móti hræðilegt að dreifa tónlist og myndefni svona, því skv Smáís myndi þá úrvalið minnka og himininn hrynja. Eða frekar að þá myndu íslensku "einokunar"rétthafarnir ekki lengur fá sína sneið og þar með ekki Smáís/Stef heldur.

Hargo skrifaði:Hann keypti eflaust hlutabréf fyrir gróðann sinn...ásamt því að taka lán og kaupa enn fleiri bréf, smart move.

Snæbjörn Steingrímsson, framkvæmdastjóri Smáís, segir að viðbrögðin við birtingu Yuri-auglýsingarinnar sýni málefnaþurrð þeirra sem eru á móti höfundarrétti, það sé alveg út í hött að bendla Smáís við rasisma og að fólk sé að skauta framhjá því sem skiptir máli í auglýsingunni.

Afstaða Snæbjörns veldur vonbrigðum og gefur tilefni til frekari umræðu. Í stað þess að viðurkenna að birting auglýsingarinnar hafi verið mistök og biðjast afsökunar á fordómunum eins og kallað var eftir fellur Snæbjörn í þá gryfju að réttlæta þá „þar sem þessi bransi tengist helst glæpasamtökum erlendis", samanber frétt Pressunnar.

Fráleitt er af hálfu Snæbjörns að leggja andstöðu við höfundarrétt og andstöðu við fordóma gagnvart útlendingum að jöfnu. Snæbjörn ákveður þannig að taka slaginn við marga á kolröngum forsendum.

Einnig má gera athugasemdir við að Snæbjörn skuli taka sér það vald að ákveða fyrir aðra hvað skiptir máli í auglýsingunni. Út frá sjónarhóli Snæbjörns skipta fordómarnir sem fólk greinir ekki máli. Það að framkvæmdastjóri Smáís skuli gera lítið úr áhyggjum fólks af fordómum í garð útlendinga er áhyggjuefni í sjálfu sér. Gleymum ekki hverjir eru aðilar að Smáís. Þeirra á meðal eru ríkisrekni fjölmiðillinn RÚV og 365 Miðlar, stærsti einkarekni fjölmiðill landsins. Samanlagður áhrifamáttur þessara fjölmiðla er gífurlegur í íslensku samhengi.

Í lögum um fjölmiðla segir í 27. gr.: „Fjölmiðlum er óheimilt að hvetja til refsiverðar háttsemi. Bannað er að kynda undir hatri í fjölmiðlum á grundvelli kynþáttar, kynferðis, kynhneigðar, trúarskoðana, þjóðernis, skoðana eða menningarlegrar, efnahagslegrar, félagslegrar eða annarrar stöðu í samfélaginu."

Nú ætla ég ekki að fullyrða að með birtingu auglýsingarinnar hafi lög verið brotin. En vilji einhver láta reyna á það getur viðkomandi snúið sér til Fjölmiðlanefndar sem einnig gæti tekið málið upp að eigin frumkvæði.

Hitt er annað mál að ef við látum málflutning á borð við þann sem framkvæmdastjóri Smáís heldur á lofti í þessari umræðu óáreittan er rík ástæða til að spyrja hvert við stefnum sem samfélag. Því ef Yuri-auglýsingin er ekki dæmi um fordóma í garð útlendinga sem við neitum að gúddera hvar ætlum við þá að draga línuna?

emmi skrifaði:Einmitt, af hverju skyldi þetta nú ekki koma hingað, nú eða Spotify eða iTunes? Vegna þess að náfrændur þeirra í SMÁÍS (Tónlist.is) kunna ílla við alla samkeppni? Ísland er einokunarvagga heimsins.

dori skrifaði:Mér finnst skemmtilegt hvernig menn setja samasem merki milli þess að dreifa kvikmyndum á netinu og taka ekkert fyrir það (eins og hópar sem dreifa efni á Piratebay og keppast við það að koma því sem fyrst inn í góðum gæðum) og að selja lélega CAM útgáfu af nýjum myndum á DVD á götuhornum í stórborgum á €5.

Sú ólöglega neysla sem flestir taka þátt í á ekkert skylt við þessa glæpastarfsemi á sviði falsaðra vara. Við sáum þetta með ACTA og sjáum það mjög greinilega núna hjá SMÁÍS. Samtök rétthafa sjá ekkert að því að blekkja fólk og gera allt sem þeir geta til að tengja "copyright infringement" og "counterfeit goods" saman í hugum fólks. Þeir eru komnir vel yfir af gráa svæðinu siðferðislega IMHO.

Daz skrifaði:Það er í það minnsta einn hópur í viðbót, sem hagnast á auglýsingasölu tengda síðum sem dreifa þessum ólöglegu útgáfum. Sjá t.d. dóm yfir eiganda surfthechannel þar kemur fram að hann hafði upp undir 6,5 milljón krónur í auglýsingatekjur á mánuði.
Svo er hægt að kaupa aðgang að síðum sem dreifa svona efni og líklega eru til fleiri útgáfur af peningamódeli í kringum ólöglega dreifingu. Sem sýnir mér bara að það er örugglega hægt að dreifa þessu löglega líka og hagnast á því. Bara spurning um að hugsa módelið sitt upp á nýtt.

322 skrifaði:http://www.shutterstock.com/cat.mhtml?s ... d=90934991

SMÁÍS notar erlent módel, mynd tekna af erlendum ljósmyndara og væntanlega keypt af erlendri síðu til þess að auglýsa að það sé verið að hlunnfara íslenskt listafólk með notkun og greiðslu á þjónustu erlendis frá.

Daz skrifaði:

emmi skrifaði:Einmitt, af hverju skyldi þetta nú ekki koma hingað, nú eða Spotify eða iTunes? Vegna þess að náfrændur þeirra í SMÁÍS (Tónlist.is) kunna ílla við alla samkeppni? Ísland er einokunarvagga heimsins.

Eða af því að ísland er pínulítill markaður (300 þúsund vs 25 milljónir) og því ekki vesensins virði að skoða hann.

Haxdal skrifaði:

Daz skrifaði:

emmi skrifaði:Einmitt, af hverju skyldi þetta nú ekki koma hingað, nú eða Spotify eða iTunes? Vegna þess að náfrændur þeirra í SMÁÍS (Tónlist.is) kunna ílla við alla samkeppni? Ísland er einokunarvagga heimsins.

Eða af því að ísland er pínulítill markaður (300 þúsund vs 25 milljónir) og því ekki vesensins virði að skoða hann.

Bull, ef svona veitur geta starfað í Færeyjum (50 þús manns) þá geta þær vel starfað hérna. Þetta er útaf frekju, yfirgangi og rauðu límbandi í Stef og Smáís sem svona veitur vilja ekki koma hingað. Það var allavega ein ástæðan af hverju iTunes kom ekki hingað fyrr en hvað, í fyrra?.. Stef var með bull kröfur um gjöld á búðina að Apple nennti ekki að standa í þessu veseni .. eða svo rámar mig allavega að hafi verið svarið frá einhverri apple búð hérna á klakanum fyrir nokkrum árum þegar það var spurt útí af hverju iTunes væri ekki í boði hérna.