spjallid.is

Sælir vaktarar, mig langar aðeins til að breyta til í mínum starfsferli og er að pæla í einhverju tengdu tölvum og upplýsingatækni. Ég hef alltaf haft áhuga á því sviði þó ég starfi nú við allt annað.

Ég er að spá í svona kerfisstjóranámi (tæknistjórnun) hjá Promennt eða NTV. En þar sem ég er dáldið grænn þá langar mig til þess aðeins að spyrja um hvernig vinna kerfisstjórans er svona í grunninn.

Ég vann við vefsíðugerð og gerði meira að segja tölvuleik (í Director Lingo málinu) hérna um aldamótin en hef lítið unnið við tölvur síðan þannig að ég veit að mikið hefur breyst en ég kann samt aðeins "mannganginn" t.d. í Wordpress.

Ég hef ekki stúdentspróf þannig að háskólarnir koma ekki til greina sýnist mér. Mig langar líka til að koma mér upp menntun á öðru sviði á sem stystum tíma vegna ýmissa aðstæðna.

Allar upplýsingar eru vel þegnar hérna eða með einkaskilaboðum.

Þetta svarar kannski varðandi námsþáttinn en ég er líka að falast eftir upplýsingum um hvernig starf kerfisstjórans sé. T.d. vinnutími sveigjanlegur, fjölskylduvænt starf, hver eru helstu verkefni o.s.frv. bara svona til að gefa mér betri hugmynd um hvað ég má eiga von á ef ég ákveð að fara þessa leið og finna mér vinnu í þessum geira.

Ef þú villt leita þér upplýsinga um hvernig starf kerfisstjórans er þá er ágætt að lesa "Helstu verkefni og ábyrgð" inná alfred.is í atvinnuauglýsingum þegar er verið að auglýsa eftir kerfisstjóra. Ef þú ert að leita þér að fjölskylduvænum vinnustað þá er líklegra að stærri fyrirtækin í UT bransanum henti betur eða þau fyrirtæki/stofnanir sem eru með stóran kerfisstjóra hóp sem álagið dreifist yfir hópinn því það er jú hlutverk kerfisstjórans að bregðast við niðritíma/rekstrartruflunum 24/7 365 daga ársins (en viðbrögð við rekstrartruflunum t.d að þurfa að vakna á nóttunni eða sinna vinnuni um helgar ræðst að sjálfsögðu eftir því hvort um mikilvægt kerfi sé að ræða eða hvort mál getur beðið).

falcon1 skrifaði: Ég hef ekki stúdentspróf þannig að háskólarnir koma ekki til greina sýnist mér. Mig langar líka til að koma mér upp menntun á öðru sviði á sem stystum tíma vegna ýmissa aðstæðna.

Allar upplýsingar eru vel þegnar hérna eða með einkaskilaboðum.

https://www.mimir.is/is/raunfaernimat

Raunfærnimat getur komið þér inn í tölvunarfræði án stúdentsprófs. Þekki einn rétt um fertugt sem fór í þetta mat og frumgreinadeild vildi að hann tæki einhverja kúrsa til að útskrifast þaðan en tölvunarfræðideildinni var sama og tók hann inn beint. Veit ekki betur en að hann hafi rúllað þessu upp eða sé enn að rúlla þessu upp ef hann er ekki búinn.

Hjaltiatla skrifaði:...því það er jú hlutverk kerfisstjórans að bregðast við niðritíma/rekstrartruflunum 24/7 365 daga ársins (en viðbrögð við rekstrartruflunum t.d að þurfa að vakna á nóttunni eða sinna vinnuni um helgar ræðst að sjálfsögðu eftir því hvort um mikilvægt kerfi sé að ræða eða hvort mál getur beðið).

Þannig að maður þyrfti að vera með tölvuna með sér í útileguna? Eða bara þegar maður fer t.d. með hundinn að skokka.

falcon1 skrifaði: Þannig að maður þyrfti að vera með tölvuna með sér í útileguna? Eða bara þegar maður fer t.d. með hundinn að skokka.

Misjafnt eftir fyrirtækjum hvernig hlutum er stillt upp. Getur verið á launum við að vera á bakvakt og þurft að svara símanum og bregðast við innan 15 mínútna ef kerfi er mikilvægt. Getur líka lent í því að vera ekki á bakvakt og þá þarftu bara að svara símanum þegar þú getur.

Hjaltiatla skrifaði:

falcon1 skrifaði:. Getur líka lent í því að vera ekki á bakvakt og þá þarftu bara að svara símanum þegar þú getur.

Bakvakt = þú verður að vera í ástandi til að vinna = ekki leyfilegt að fá sér í glas eða fara langt frá vinnustaðnum, þyrftir hugsanlega að mæta og græja eitthvað.

Þetta er æði misjafnt hvernig hlutir eru í fyrirtækjum. T.d í mínu starfi erum við með viðskiptavini sem hringja beint í okkur og biðja um hjálp.

Stundum er það alveg akút mál en oftast eitthvað sem má t.d tækla seinna um kvöldið/daginn eftir.


Svo er vinnutíminn gríðarlega sveigjanlegur og aldrei neitt vesen, t.d ekki stimpilklukka eða þannig kjaftæði.


Ef þú ert eitthvað on the fence með þetta, þá máttu alveg hafa samband í PM og ég skal fara yfir bara basics og það.
Fór í Kerfisstjóranám hjá NTV fyrir rúmlega 10 árum. Fékk vinnu eiginlega um leið við það og lífið á uppleið bara hehe

Jón Ragnar skrifaði:Svo er vinnutíminn gríðarlega sveigjanlegur og aldrei neitt vesen, t.d ekki stimpilklukka eða þannig kjaftæði.

sum fyrirtæki eru þannig að þú skráir tímana þína per mál sem getur verið algert hell ef maður gleymir einhverju

rapport skrifaði:

Hjaltiatla skrifaði:

falcon1 skrifaði:. Getur líka lent í því að vera ekki á bakvakt og þá þarftu bara að svara símanum þegar þú getur.

Bakvakt = þú verður að vera í ástandi til að vinna = ekki leyfilegt að fá sér í glas eða fara langt frá vinnustaðnum, þyrftir hugsanlega að mæta og græja eitthvað.

Þá er bara málið að drekka úr dós!

worghal skrifaði:

Jón Ragnar skrifaði:Svo er vinnutíminn gríðarlega sveigjanlegur og aldrei neitt vesen, t.d ekki stimpilklukka eða þannig kjaftæði.

sum fyrirtæki eru þannig að þú skráir tímana þína per mál sem getur verið algert hell ef maður gleymir einhverju

Munurinn við að vinna sem verktaki (t.d. vinna hjá Advania eða Origo) Vs. að vinna hjá fyrirtæki með sína eigin lausn. Þó það velti vissulega á fyrirtækinu, ég er amk mjög feginn að þurfa ekki að skrá niður tíma.

Mín reynsla er sú að það er mikið meira frelsi og líbó starfsumhverfi að vinna hjá fyrirtæki sem er með sína eigin lausn, svo ég tali nú ekki um félagslega vinkilinn.

Mjög mismunandi milli fyrirtækja hvort að verktakar sem eru alltaf on location fái að taka þátt í félagslífinu, þannig að þú getur verið að vinna með sama fólkinu alla daga en ert svo ekki boðinn á viðburði.

worghal skrifaði:

Jón Ragnar skrifaði:Svo er vinnutíminn gríðarlega sveigjanlegur og aldrei neitt vesen, t.d ekki stimpilklukka eða þannig kjaftæði.

sum fyrirtæki eru þannig að þú skráir tímana þína per mál sem getur verið algert hell ef maður gleymir einhverju

Já kennir manni að vera agaður í skráningum

rapport skrifaði:

Hjaltiatla skrifaði:

falcon1 skrifaði:. Getur líka lent í því að vera ekki á bakvakt og þá þarftu bara að svara símanum þegar þú getur.

Bakvakt = þú verður að vera í ástandi til að vinna = ekki leyfilegt að fá sér í glas eða fara langt frá vinnustaðnum, þyrftir hugsanlega að mæta og græja eitthvað.

en það er greitt fyrir bakvaktir, einhver % af dagvinnukaup pr klukkustund, oftast er þetta ein vika í senn og er oftast 3ja hver vika eða minna