spjallid.is

Íbúðin mín er með Coax og símasnúrum í nokkur herbergi, sem mig langar að skipta út fyrir Ethernet (nota hvorki coax né símasnúrur svo það er litlu að tapa). Hef aldrei fiktað í svona áður, en var svona að vona að ég gæti skipt út einni kapaltegund fyrir aðra án mikilla vandræða. Geta einhverjir gefið mér létt hint eða bent mér á tutorial/video um hvað ég á að gera og varast í þessu brasi?
Eitthvað sem ég þarf að kaupa annað en bara CAT kaplarnir sjálfir til að þetta gangi vel fyrir sig? Ég er ekkert að reyna að spara mér þúsundkalla, annað en að þurfa ekki að fá fagmann á fagmannataxta í verkið
Ég myndi líklega vilja geta dregið 2/3 kapla í gegnum einhver rörin, get ég athugað það á einhver hátt hvort það sleppur eða þarf ég bara að prófa?

Hookar ethernet kapla við þá gömlu sem eru fyrir og dregur í gegn. Ferð síðan á youtube til að sjá hvernig youtuberinn setur mola á eth kapla.

eth innstungurnar eru frekar straight forward. eth kapallinn víraður við eftir litaröðun B og smella sett yfir tengingarnar, og mola stungið í ramma og skrúfurnar sem eru fyrir í dósinni notaðar til að herða að. Og í restina settur "frontur" á rammann / skelin.

Síðan stinga í samband, sjá hvort youtube þekkingin skili sér. Er hraðinn 0?100mbps?eeeða 1000mpbs? spennó.

flettu upp á youtube hvernig er best að festa ethernet við coax kapal, yfirleitt er nóg að strípa utanaf báðum og fletta þeim saman (braiding á ensku) og setja svo electrical teip vel utanum áðuren þú dregur í gegn.
Ekki gleyma að nota sleipiefni til að lágmarka sénsinn á því að þetta festist, getur fengið industrial lube í byko/húsasmiðjunni, hef sjálfur reddað mér með því að nota uppþvottalög.

Ef þú lendir í að festa að alls ekki byrja að kippa í þetta heldur dragðu þá smá til baka á hinum endanum og reyndu að jugga þessu þannig í gegn.
Stundum geta rörin verið með leiðinlegum beygjum sem stoppa þetta eða jafnvel eitthvað drasl í rörinu sem flækist fyrir og þá getur þurft svoleiðis jugg til að ná þessu í gegn.

Varðandi hversu mörgum þú nærð í gegn þá fer það eftir rörinu, ef þetta er pvc rör sem er nógu breitt að þá ætti ekki að vera of mikið vandamál að ná allavega tveimur í gegn. (það er hægt að googla hversu breitt þetta þarf að vera)

Mæli alls ekki með því að setja beint mola á endana heldur að setja alltaf upp tengla, það er long term setup sem kemur í veg fyrir óþarfa hnjask á lagnakaplinum. Góðar búllur fyrir tenglaefni er smith & norland og Ískraft.

Lagnakapall er alltaf í stirðari endanum, aldrei mjög mjúkur. vert að hafa í huga þegar kemur að því að kaupa efni.

Ég fékk rafvirkja til að gera þetta fyrir mig en ég aðstoðaði hann við að draga, er svosem ekkert stórmál. En ég mæli með að fá fagmann til að hjálpa þér.

Fyrst þarftu að ákveða með tegund af CAT kapli, ég valdi CAT6 afþví það var svosem enginn verðmunur.

Svo þarftu doldið að kortleggja hvernig þú vilt leggja þetta, það skiptir máli. Best að vera með teikningar af hvernig lagnirnar liggja. Það getur verið smá snúið að leggja svona þannig að þú sért að draga rétt í. Maður klóraði sér alveg smá í hausnum yfir þessu.

Hvort þú ætlar að draga fleiri en 1 kapal og svona, t.d. ef þú ert að draga í 2 herbergi þá þyrftir þú að draga væntanlega 2 kapla í einu og það getur verið snúið ef það er þröngt.
Svo skiptir væntanlega máli hvar routerinn er staðsettur upp á að net sé dreift á alla endastaði.

Það kom mér nefnilega á óvart hvað þetta gat verið smá bras að draga þetta í jafnvel þó þú ert með coax kapal til að draga úr á móti.

En ef það kemur ekkert upp á þá ætti þetta ekki að taka lengri tíma en hálfan dag, með fagmanni.

annars:
Þarft að víra cat kapalinn við coax (þarf að halda vel), og svo smyrja cat kapalinn vel með held ég svona raflagna lubricant, svo draga coax kapalinn hægt en örugglega út þar til cat kapallinn er kominn í gegn. Ekki klippa of stutt.

Ég notaði talkúm þegar ég var að brasa í þessu og kaplarnir flugu í gegn.

blitz skrifaði:Ég notaði talkúm þegar ég var að brasa í þessu og kaplarnir flugu í gegn.

Kalkúninn varð heldur þurr hjá mér.

Svona smá tips fyrir áhugamenninna.. sápa og annað drasl til að redda sér subbar út varanlegu raflagnarörin í húsinu ! Það getur verið martröð að ná köplum/vírum úr rörum með þornaðri palmolove sápu ! Það getur kostað einhverja hundraðkalla ef það þarf að skera vegginn ef rörið er fullt af drullu og vírar fastir í, það væri amk ekki í fyrsta skipti.
Menn mega róa sig í að mæla fyrir hlutum á þráðum sem snúast um fyrirspurn til fagmanna.

Vírafeiti kostar 1000kr...

Ps. Hef ekkert á móti því að leikmenn tengi sjálfir rafmagn líka, eins lengi og þeir eru ekki í fjölbýli og taki ekki við darwin awards á aðra en sjálfa sig.

Kv rafvirkjameistari.

1+ á þá hugmynd að nota núverandi kapla til þess að draga nýja kapla í. Yrði mjög þægilegt ef það er hægt. Eitt sem gæti verið flækjustig í þessu er ef kapalinn fer í gegnum eina eða fleiri tengidósir á leiðinni í tengilinn. Myndar kanta sem geta skrapast við kapalinn og gert mun erfiðar að draga beint í gegn.

Ertu eitthvað að nota þessa kapla eins og er? Skil ekki betur en að þú tapir ekki á því að prufa.

Ég gerði þetta fyrir nokkrum árum. Náði tveimur cat snúrum í flest rör en þremur í sum sem voru bein.

Ef þú ert með lagnateikningar þá hjálpar það - við vorum stundum í smá brasi að finna út hvernig þetta var lagt milli hæða. Enduðum á að þurfa að rífa frá hluta af eldhúsinnréttingunni þar sem eitt rörið kom út úr veggnum.

Aðal munurinn er samt að coax er lagður í lykkju meðan cat er stjarna. Ég þurfti t.d. að setja swiss á efri hæðinnin þar sem að það var bara eitt rör milli hæða og það hefði ekki náð að þjónusta alla tenglana á hæðinni.

Svo hætti ég að nota þetta á endanum Fékk mér bara auka þráðlausan punkt uppi og er núna með fínt signal um allt hús. Þráðlausu netin eru bara orðin svo góð. Eina tækið sem er tengt við cat snúru hjá mér er afruglarinn og netbúnaðurinn. Hef ekki einusinni tengt ps5 vélina við vír eftir að ég færði hana milli herbergja.

Takk fyrir góð svör allir! Ég er að skipta út ónotuðum köplum sem eru einir í röri svo áhættan er vonandi mjög takmörkuð. Er annars tryggður og veld varla skaða nema á minni eign fyrir þá sem hafa áhyggjur.

Ég myndi ekki hafa miklar áhyggjur af þessu. Þetta er ekkert rocket science. Ferð bara rólega og braid-ar kaplana vel áður en þú ferð að toga. Ég myndi reyndar ráðleggja þér að hafa einhvern með þér í þessu ef þú getur.

Update.
Þetta virðist ganga, búinn að skipta út öllum gömlu "CAT" og símasnúru köplunum fyrir nýja og gat m.a. dregið 3 kapla í gegn!

Núna þarf ég að finna útúr hvernig Coaxinn liggur svo ég komi netinu nú inn í rétt herbergi líka, engar teikningar og pínu erfitt að prófa.

Daz skrifaði:Update.
Þetta virðist ganga, búinn að skipta út öllum gömlu "CAT" og símasnúru köplunum fyrir nýja og gat m.a. dregið 3 kapla í gegn!

Núna þarf ég að finna útúr hvernig Coaxinn liggur svo ég komi netinu nú inn í rétt herbergi líka, engar teikningar og pínu erfitt að prófa.

Notar þú ekki bara coax til að draga cat (eða tímabundið snæri/spotta/fjöður) í gegn?

Eina vitið er að vera með fjöður og nunnufeiti

Ætla mér að nota Coax kaplana til að draga inn CATinn í staðinn, það er bara að finna út hvaða tenglar eru samtengdir, þetta eru einhverjir 10 tenglar allt í allt á mörgum hæðum

Hausinn skrifaði:1+ á þá hugmynd að nota núverandi kapla til þess að draga nýja kapla í. Yrði mjög þægilegt ef það er hægt. Eitt sem gæti verið flækjustig í þessu er ef kapalinn fer í gegnum eina eða fleiri tengidósir á leiðinni í tengilinn. Myndar kanta sem geta skrapast við kapalinn og gert mun erfiðar að draga beint í gegn.

Ertu eitthvað að nota þessa kapla eins og er? Skil ekki betur en að þú tapir ekki á því að prufa.

Það er hægt að fá VDSL senda sem geta notað gamlar símalínur en ég held að það sé ekki selt á Íslandi. Það er hinsvegar hægt að fá búnað sem sendir merki yfir coax sjónvarpskapal á Íslandi en ég þekki ekki gæðin á slíkum búnaði.