spjallid.is

Þar sem ég nenni ekki að senda fyrirspurn til fjarskiptafyrirtækjanna sem ég er með númer hjá. Þá er ég að velta því fyrir mér hvort að Rich Communication Services (RCS) sé notað á Íslandi eða hvort að þetta fari bara allt í gegnum Google. Þetta átti að vera arftaki sms skilaboðanna og er staðall frá árinu 2007.

Rich Communication Services gerir fólk að senda sms skilaboð í gegnum WiFi þó að ekkert farsímasamband sé til staðar. Hjá mér er þetta í boði í Samsung Galaxy S20 Ultra 5G (Android 11) en ekki í Samsung Galaxy S9+ (Android 10).

Síðan má einnig nefna að Íslensku fjarskiptafyrirtækin styðja ekki WiFi Calling (VoWiFi) og VoLTE er í lítilli notkun á Íslandi. Það eru bara Nova og Vodafone (?) sem bjóða upp á þá þjónustu í dag.

RCS virkar hjá Símanum. Setti inn SMS appið frá google.

Virkaði líka á S8 með því appi.

Ég var beðinn um að setja inn símanúmer og gerði það fyrir Síminn símanúmerið og síðan Nova símanúmerið. Hvar finn ég þær stillingar?

ég fór bara í stillingarnar í Google Messages og kveikti á Chat features.

RCS á að virka hjá Símanum/Hringdu og VoLTE er áætlað á 1Q þessa árs.

HringduEgill skrifaði:RCS á að virka hjá Símanum/Hringdu og VoLTE er áætlað á 1Q þessa árs.

Það er kominn tími að Síminn kveiki á VoLTE. Þeir eru langt á eftir öllum með þessa tækni.

Þetta er áhugaverður þráður, ég hafði ekki heyrt áður um þetta WiFi Calling (VoWiFi).

Nú er það svo að það er búið að leggja ljósleiðara víða um sveitir landsins. Ég veit um slatta af heimilum í dreifbýli, þar sem er gott netsamband og WiFi, en ekkert eða lélegt farsímasamband. Í stöku íbúðum í þéttbýli er líka slappt farsímasamband og þar myndi VoWiFi því einnig nýtast, þannig þetta yrði ekki bara fyrir dreifbýlið. Það væri gagnlegt fyrir marga að geta notað VoWiFi.

Síðan eru rafræn skilríki orðin nauðsyn í dag, m.a. fyrir almenning til að hafa samskipti fyrir hið opinbera. Á heimilum með lélegu farsímasambandi er því mjög óþægilegt að geta ekki notað rafræn skilríki. Myndi VoWiFi eða VoLTE tæknin sem nefnd er hér að ofan gagnast við að nota rafræn skilríki í engu farsímasambandi?

Ég veit að hér á þessu góða spjalli eru aðilar frá öllum fjarskiptafyrirtækjum. Vil sérstaklega hrósa notanda "HringduEgill" fyrir gagnleg svör í gegnum tíðina. Ég leyfi mér að varpa hér fram tveimur spurningum:

1.
Munu íslensk fjarskiptafyrirtæki fara að styðja WiFi Calling (VoWiFi) og þá hvenær?

2.
Munu íslensk fjarskiptafyrirtæki innleiða tækni þannig að hægt verði að nota rafræn skilríki á heimilum þar sem er ekkert/lélgt farsímasamband?

tar skrifaði:Myndi VoWiFi eða VoLTE tæknin sem nefnd er hér að ofan gagnast við að nota rafræn skilríki í engu farsímasambandi?

Rafræn skilríki á símkorti nota SMS þannig að VoLTE/VoWiFi munu ekkert hjálpa því (Voice over X). Mögulega getur RCS borið þessi auðkennis SMS skeyti. Ég þekki ekki RCS nógu vel.

tar skrifaði:Munu íslensk fjarskiptafyrirtæki innleiða tækni þannig að hægt verði að nota rafræn skilríki á heimilum þar sem er ekkert/lélgt farsímasamband?

Auðkenni er búið að búa til app sem notar nettengingu þannig að það mun virka á heimanetinu þínu þó þú sért ekki með farsímasamband. Hvernig þeir útfærðu það þýðir samt að þú þarft að bíða eftir að allir þjónustuveitendur (bankar, símafyrirtæki, skatturinn og svo framvegis) útfæra það. Ég myndi ekki halda niðrí mér andanum en svona... Ætli flestir verði ekki komnir með þetta einhverntíma seinni part þessa árs eða snemma á næsta.

Sjá hér: https://app.audkenni.is/

Ef rafræn skilríki eru send með sms þá ætti það að virka yfir RCS og WiFi en ef einhver önnur leið er notuð þá auðvitað virkar það ekki.

Veit einhver hérna hvort að Nova styðji RCS þjónustu. Ég var að færa mig yfir til Nova og RCS virkjast ekki í símanum hjá mér (Samsung Galaxy S20 5G). Það er reyndar skrítið þar sem ég er með símanúmer hjá Nova á Samsung Galaxy S9+ og þar tengist allt saman rétt og virðist virka rétt. RCS virkaði hjá Síminn og tengdist þar án vandamála.

jonfr1900 skrifaði:Veit einhver hérna hvort að Nova styðji RCS þjónustu. Ég var að færa mig yfir til Nova og RCS virkjast ekki í símanum hjá mér (Samsung Galaxy S20 5G). Það er reyndar skrítið þar sem ég er með símanúmer hjá Nova á Samsung Galaxy S9+ og þar tengist allt saman rétt og virðist virka rétt. RCS virkaði hjá Síminn og tengdist þar án vandamála.

Virkt hjá mér á 1+8p, hjá nova með google messages.

Þá eru hugsanlega að nota RCS án þess að það komi kerfi Nova við. Eins og þetta lítur út núna, þá virðist sem að Nova styðji ekki RCS þjónustu. Ég er með annað númer og bæði neita að tengjast á Samsung Galaxy S20 Ultra 5G með RCS. Ég fæ alltaf skráning mistókst upp hjá mér á bæði númerin sem er mjög skrítið. Þetta gerist reyndar ekki í Samsung Galaxy S9+ síma sem ég er með sem gæti mögulega verið vísbending um galla í Samsung Message útgáfunni sem er notuð í Samsung Galaxy S20 Ultra 5G.