spjallid.is

Ég á tveggja ára gamlan Volkswagen. Hurðin farþegamegin á bílnum fauk upp og rakst í vegg, með þeim afleiðingum að hún beyglaðist og lakkið flosnaði upp.

Viðhengi myndir af skemmdinni svo þið sjáið hvað um ræðir.

Ég er með bílinn í kaskó, svo ég get beðið um að hurðin sé réttuð og sprautuð og tekið sjálfsábyrgðina, sem er um 80k.

Skemmdin er hins vegar lítil og ekki áberandi, svo mig langaði að athuga hvort þið vitið um hagkvæmari leið til að laga þetta?

Ef þú vilt ekki fara í gegnum kaskó, sem ég skil, enda lítið tjón.

Svona uppá að það byrji ekki að ryðga út frá þessu, þá getur tekið sandpappír, pússað þetta til og blettað í ef þú kaupir lítið af lit í sama litakóða og bíllinn er.

demaNtur skrifaði:Ef þú vilt ekki fara í gegnum kaskó, sem ég skil, enda lítið tjón.

Svona uppá að það byrji ekki að ryðga út frá þessu, þá getur tekið sandpappír, pússað þetta til og blettað í ef þú kaupir lítið af lit í sama litakóða og bíllinn er.

Ef það á ekki að fara ryðga þarf að grunna fyrst og svo bletta með sama lit

Þekkið þið til þjónustuaðila sem myndi gera þetta? Vil síður gera þetta sjálfur þar sem ég hef ekki reynslu af þessu.

Prófaðu að stoppa við á næsta sprautu verkstæði, t.d. bílasprautun íslands í Garðabæ... og fá tilboð í almennilega viðgerð.
Ekki reyna að pússa, grunna og bletta sjálfur nema þú sættir þig við að hafa þessa beyglu þarna alltaf.

Aldrei prófað þetta fyrirtæki, en þetta hljómar eins og aðilar sem gera nákvæmlega þetta.
http://www.smarettingar.is

Get alls ekki mælt með smáréttingum. Hef þrisvar farið þangað og er núna alveg búinn að gefast upp, í öllum tilfellum hefur mjög fljótt ryðgað upp úr viðgerðunum. Síðast fór ég með bílinn minn út af 2 pínulitlum ryðblettum, sennilega um 2 mm2 í flatarmál. Það voru komnar bólur yfir þeim innan 3gja mánaða frá því að þetta var "lagað", ég fór með bílinn aftur og hann var voða sorrí, en þurfti náttúrulega að stækka þetta talsvert til að laga eftir sig mistökin, þegar það var aftur farið að skemmast upp úr því 2 mánðum síðar gafst ég upp og sætti mig við að peningurinn var glataður og ég sat uppi með mun stærri skemmd í lakkinu en ég var með upphaflega.
Fór með bílinn á réttingaverkstæði, borgaði um 50% meira fyrir viðgerðina sem leit mun betur út og hefur verið alveg til friðs síðan.

já ég er sammála FriðrikH , lét laga svona á BMW undir bensínlokinu. Held að viðgerðin hafi ekki enst árið, þó nokkur ár síðan.

Ætti maður ekki bara tússa yfir þetta með tússpenna?

ChopTheDoggie skrifaði:Ætti maður ekki bara tússa yfir þetta með tússpenna?

Naglalakk