spjallid.is

Svona upp á hvernig regluverkið virkar á Íslandi...

Mér finnst þetta algjör snilld, að fólk geti farið í svona framkvæmdir:
http://www.visir.is/byggja-fyrsta-mikro ... 6160419042


En þá spyr maður sig, er ábyrgðin á að allt sé OK, er hún yfirvalda eða er hún fagmanna?

Má hver sem er byggja hús eða breyta einhverri byggingu í íbúðahús nema með aðkomu fagmanna sem þá bera ábyrgð á sínum verkum?

http://www.ruv.is/frett/blokk-i-gardaba ... lja-baetur

Þetta er ógeðslegt hús ! Vonandi verður þetta ground 0 ef rússar senda eina stóru dóru á okkur .

Fólk á ekki að þurfa búa í einhverju fuglabúri á 21. Öldinni !

Allar byggingar þurfa byggingarstjóra sem er ábyrgur gagnvart göllum og svo meistara úr hverri iðngrein.

Hrotti skrifaði:Allar byggingar þurfa byggingarstjóra sem er ábyrgur gagnvart göllum og svo meistara úr hverri iðngrein.

WUT?

Verða sveinar alltaf að vinna undir meistara?

Þarf ekki bara byggingastjóra fyrir nýbyggingar, þarf líka fyrir breytingar?

rapport skrifaði:

Hrotti skrifaði:Allar byggingar þurfa byggingarstjóra sem er ábyrgur gagnvart göllum og svo meistara úr hverri iðngrein.

WUT?

Verða sveinar alltaf að vinna undir meistara?

Þarf ekki bara byggingastjóra fyrir nýbyggingar, þarf líka fyrir breytingar?

Ég er ekki alveg viss um hversu miklu þú mátt breyta án þess að þurfa byggingastjóra, en það má sáralítið gera án þess að fá meistara til að skrifa uppá það. Ég steypti t.d. svalir utan á hús niðri í miðbæ (reif gamlar trésvalir) og það þurfti meistara á það.

Hef séð svona gert í Þáttum frá UK, mér finnst þetta alveg glatað.

Þau þurfa meistara og samþykktar teikningar til að gera svona.

Til að reka fyrirtæki í verndaðri faggrein þarf alltaf meistara sem sveinar vinna hjá.

rapport skrifaði:Má hver sem er byggja hús eða breyta einhverri byggingu í íbúðahús nema með aðkomu fagmanna sem þá bera ábyrgð á sínum verkum?

Ábyrgðin á göllum í þessari blokk liggur í raun hjá Meistaranum sem skrifaði upp á verkið.

Væntanlega voru til verklýsingar sem verktakarnir áttu að fara eftir og þeim ekki fylgt eftir og byggingarstjórinn og meistarinn ekki að taka út vinnuna hjá þeim.

Þarna á að kenna byggingafulltrúa um að hafa ekki tekið eitthvað út sem var 100% á ábyrgð meistarans og byggingastjórans.

Meistarar eru líka með sértryggingar sem eiga að taka á svona málum.

Tænifr./verkfr. Hannar og kvittar teikningar . Rafvirkjameistari kvittar fyrir verklega hlutanum .

Rafvirkjasveinn er bara aðstoðarmaður rafvirkjameistara .

Ég held að þetta unga par muni komast að því að þetta á eftir að kosta háa fjárhæð. Líklega væri einfaldara að byggja frá grunni heldur en að reyna gera þessa húsarúst byggilega.

jonsig skrifaði:Þetta er ógeðslegt hús ! Vonandi verður þetta ground 0 ef rússar senda eina stóru dóru á okkur .

Fólk á ekki að þurfa búa í einhverju fuglabúri á 21. Öldinni !

Afhverju fuglabúri og afhverju ógeðslegt hús ?

Þetta eiga nú að verða 90 fermetrar las ég einhver staðar, ég hef búið í allt niður í 34 fermetrum og leið frábærlega þar.
Einsog þau segja sjálf, afhverju að eiga 200 fermetra og þurfa að eyða öllum deginum í að vinna fyrir því og þrífa það.

appel skrifaði:Ég held að þetta unga par muni komast að því að þetta á eftir að kosta háa fjárhæð. Líklega væri einfaldara að byggja frá grunni heldur en að reyna gera þessa húsarúst byggilega.

Að byggja frá grunni kostar bara alveg óhemju helling
Fleiri milljónir í allavega gjöld áður en þú ert komin uppúr jörðinni, þarna eru þau komin uppúr jörðinni fyrir takmarkaða upphæð.

Mér lýst nokkuð vel á þetta hjá þeim, hef einmitt aldrei skilið þetta ógurlega lífsgæðakapphlaup sem að er í gangi hérna á íslandi.

Annars sé ég bara ekki hvað gerir þetta að míkróhúsi, ég sé ekki betur en að þau séu bara að breyta þessu í hús.

Hrotti skrifaði: Ég er ekki alveg viss um hversu miklu þú mátt breyta án þess að þurfa byggingastjóra, en það má sáralítið gera án þess að fá meistara til að skrifa uppá það. Ég steypti t.d. svalir utan á hús niðri í miðbæ (reif gamlar trésvalir) og það þurfti meistara á það.

Það er nú æskilegt að fá fagmann til að kvitta uppá breytingar sem hafa eitthvað með t.d eins og burðarþol að gera finnst þér ekki?

90fm á þrem hæðum, það má því segja eins og sá hér fyrir ofan að þetta sé eins og fuglabúr.

Þetta er geðveikt

Væri til í svona hús

tdog skrifaði:

Hrotti skrifaði: Ég er ekki alveg viss um hversu miklu þú mátt breyta án þess að þurfa byggingastjóra, en það má sáralítið gera án þess að fá meistara til að skrifa uppá það. Ég steypti t.d. svalir utan á hús niðri í miðbæ (reif gamlar trésvalir) og það þurfti meistara á það.

Það er nú æskilegt að fá fagmann til að kvitta uppá breytingar sem hafa eitthvað með t.d eins og burðarþol að gera finnst þér ekki?

Jú en ekki meistarann. Verkfræðingurinn sem að reiknar, teiknar og kvittar á teikningarnar er sá fagmaður. Næst fer byggingarnefnd yfir teikningarnar og samþykkir eða hafnar. Þegar að allt er svo klárt undir steypu kemur úttektar aðili frá borginni og fer yfir að allt sé samkvæmt þeirri teikningu.

Ábyrgðin finnst mér að eigi að skiptast niður á þessa aðila með mun skipulagðari hætti.

- Öll ábyrgð á hönnun og hönnunargöllum er á verkfræðingi og arkitekt sem hannar.

- Ábyrgð misræmi milli hönnunar og raunverulegrar framkvæmdar er á ábyrgð byggingastjóra.

- Ábyrgð á einstökum verkum er á ábyrgð viðkomandi fagmanns/meistar, nema hann hafi látið byggingastjóra formlega vita ef einhver frávik voru frá hönnun, þá ber byggingastjóri ábyrgð.

Hvað varðar ábyrgð eftirlitsaðila þá finnst mér hún eigi að vera töluverð og að í raun þá eigi eftirlitsaðili að bera alla ábyrgð gagnvart neytendum en hann eigi svo endurkröfurétt á hönnuði, byggingastjóra eða fagfólk/meistara.

urban skrifaði:Annars sé ég bara ekki hvað gerir þetta að míkróhúsi, ég sé ekki betur en að þau séu bara að breyta þessu í hús.

Nákvæmlega! Þessi "míkróhús" eru kannski 20fm, þetta er 90fm.

stuxnet skrifaði:90fm á þrem hæðum, það má því segja eins og sá hér fyrir ofan að þetta sé eins og fuglabúr.

90fm er nú alveg góður slatti fyrir tvær manneskjur. Þegar ég var í foreldrahúsi þá vorum við mest fimm á 140fm. Og það fór ekkert illa um mann.

Þarna hafa þau 30fm á hvorri hæð, geta alveg látið fara vel um þig þannig.