spjallid.is

Sælir

Eru ekki einhverjir hérna sem eru að læra rafmagnsfræði og langar að glíma við smá spes mál sem ég er að glíma við þessa daganna?

Þannig er mál með vexti að ég þarf að koma hita undir bárur á þaki. Þakið hallar of lítið og þegar miklir umhleypingar eru á veturna, þá myndast klaki þar sem þakið slúttar út af. Þessi klaki er sem tappi og þegar þiðnar, þá myndast vatn á þakinu sem klakinn stoppar. Vatnið fer eðlilega niður á milli bára sem og niður með nöglum, en þá lekur niður í íbúð.
Hugmyndin er að hafa grannan vír sem lagður eru í lykkju undir báruna og yfir þar sem þakið er yfir íbúð.

Mín fyrsta hugmynd var að nota 12v, 1-2A eða um 12-24W. Láta þann hita liggja undir eins og fjórum bárum, allt að 50cm langt undir. Nota þessa síðu til að reikna út viðnám í vír.

En svo datt mér í hug að nota hreinlega 220V og venjulegan dimmer. Hvað segja menn sem hafa einhverja reynslu af þessu.

Að sjálfsögðu mundi ég jarðtengja til vara þakið sem og að hafa öryggi fyrir framan spennu-breytir/dimmer sem mundi slá út ef orkan fer upp fyrir x-magn.

Upp á framtíðar bilanir myndi ég vilja 12v dc spennu frekar en 220ac any day

Þú getur keypt hitaþráð og viðeigandi búnað fyrir hann, mæli sterklega með því sérstaklega vegna þess að gera þetta sjálfur bíður bæði útleiðsluveseni og brunahættunni heim...

Það er til sérstakur hítavír sem ég veit að er notaður í landbúnaði til þess að hindra að t.d vatnsgjafalagnir frjósi ekki á veturna. Það er 230V og fer bara í innstungu...

http://www.ishusid.is/tag/hitavir/#.UiztKRZq4bE" onclick="window.open(this.href);return false;
http://www.iskraft.is/index.aspx?GroupI ... tastrengur" onclick="window.open(this.href);return false;

Annars, þá þarftu vír sem er með það hátt innra viðnám að hann éti 12 eða 230 volt.

20m af 1q koparvír gæfu tæplega 2,13Ω. á 12V myndu það þýða 5,6A. En 1q er ekkert að hita af ráði við 6 amper.

Já.. takk fyrir það.

Hitaþráðurinn sem er seldur í svona er of sver og það má ekki "lúbba" hann þannig að hann komist inn í báru. Og ekki er ég hrifinn af því að lyfta þakinu svo 8-10mm kapall passi undir.

Mín hugmynd er að nota örfínan þráð með háu viðnámi. Jafnvel vefja hann utan um efni sem hvorki kveiknar í né leiðir, væntanlega eitthvert plastefnið. Vefja vírinn um efnið og klæða síðan af með plaströri og þétta svo vatn komist ekki að vír.

Spurning líka að hafa stillanlegann dc spennugjafa. Aðalatriðið er að það þarf ekki mikla orku þarna, bara þannig að hitinn sem myndist sé sambærilegur við þann hita sem myndast yfir íbúðinni.

Hugsa að 50W sé yfirdrifið. 50W þýðir þá með 12V um 4A og viðnámið þyrfti þá að vera um 3ohm skv. R = U/I eða um 13metrar af 0.3mm vír skv. þessari reiknivél.

Tók sundur af gamni fjölþráðung og sýnist þykktin á hverjum þræði vera í kringum 0.3mm. Veit einhver hvort hægt sé að kaupa svona granna þræði og jafnvel með einangrun?

Mun hafa samband við Íshúsið á morgun.

Getur fengið kefli af símakúplingsvír eða bara 24AWG, sem er þykktin í cat strengjum.

Þarft ekkert að setja þetta undir báruna, setur hitavírinn bara í vatnsrennuna. Það er algeng lausn á svipuðum vandamálum.

Garri skrifaði:Já.. takk fyrir það.

Hitaþráðurinn sem er seldur í svona er of sver og það má ekki "lúbba" hann þannig að hann komist inn í báru. Og ekki er ég hrifinn af því að lyfta þakinu svo 8-10mm kapall passi undir.

Mín hugmynd er að nota örfínan þráð með háu viðnámi. Jafnvel vefja hann utan um efni sem hvorki kveiknar í né leiðir, væntanlega eitthvert plastefnið. Vefja vírinn um efnið og klæða síðan af með plaströri og þétta svo vatn komist ekki að vír.

Spurning líka að hafa stillanlegann dc spennugjafa. Aðalatriðið er að það þarf ekki mikla orku þarna, bara þannig að hitinn sem myndist sé sambærilegur við þann hita sem myndast yfir íbúðinni.

Hugsa að 50W sé yfirdrifið. 50W þýðir þá með 12V um 4A og viðnámið þyrfti þá að vera um 3ohm skv. R = U/I eða um 13metrar af 0.3mm vír skv. þessari reiknivél.

Tók sundur af gamni fjölþráðung og sýnist þykktin á hverjum þræði vera í kringum 0.3mm. Veit einhver hvort hægt sé að kaupa svona granna þræði og jafnvel með einangrun?

Mun hafa samband við Íshúsið á morgun.

tdog skrifaði:Getur fengið kefli af símakúplingsvír eða bara 24AWG, sem er þykktin í cat strengjum.

Takk fyrir það, er Íshús með það líka?

Arnarr skrifaði:Þarft ekkert að setja þetta undir báruna, setur hitavírinn bara í vatnsrennuna. Það er algeng lausn á svipuðum vandamálum.

Ef þú skoðar myndina, þá sérðu að það er alls ekki nóg. Þetta er ekki spurning um að koma vatninu niður í rennu, heldur af þakinu. Ég þarf að brjóta klakann sem þarna myndast með kúbeini. Hann er allt að 20cm þykkur og nær eins og 30-40cm inn á þakið. Hef aldrei losað klaka úr rennu enda skiptir engu hvort rennan sé stífluð eður ei, vatnið er komið það langt frá vegg þegar rennan tekur við að það lekur aldrei þaðan inn í hús.

Ef þú þarft hvorteðer að rífa upp járnið á þakinu er þá ekki best að fræsa fyrir hitavírnum, þá skiptir ekki miklu máli hvort hann er 10mm. Leggur svo bara nýja pappa yfir.

Kristján Gerhard skrifaði:Ef þú þarft hvorteðer að rífa upp járnið á þakinu er þá ekki best að fræsa fyrir hitavírnum, þá skiptir ekki miklu máli hvort hann er 10mm. Leggur svo bara nýja pappa yfir.

Þarf ekkert að rífa járnið af. Útbý stangir sem ég get stungið undir báruna. Lengd á hverri stöng um 40-50cm sem er rífleg leng þakskeggs.

Væri ekki líka góður leikur að einangra þakið betur svo þú sért ekki að hita upp umheiminn?

Halli25 skrifaði:Væri ekki líka góður leikur að einangra þakið betur svo þú sért ekki að hita upp umheiminn?

Vissulega faktor en samt ekki alveg svona einfalt.

Málið er að á daginn er kannski 0-5 stiga hiti. Ef mikill snjór er á þakinu, þá eðlilega fer hann að þiðna og þá fyrst yfir íbúð en engu að síður lekur ekkert á þessum tímapunkti. Ef bráðnunin er það mikil að vatn myndast, þá rennur það fram af þakinu enda ekkert sem stoppar það í sjálfu sér. En, síðan kemur nótt og þá er oftast kaldara, kannski -5 til 0 gráðu frost. Þá frystir fyrst það sem er á þakskegginu. Það er, snjórinn sem var byrjaður að bráðna fyrr um daginn breytist í klaka, eðlilega neðst og við báru. Þakskeggið er nefnilega með snertiflöt við loftið bæði að ofan og neðan, tvöföld kæling.

Kælingin virkar ekki eins á þakinu. Enda getur kalt loft aðeins leikið um þakið ofanfrá þar sem snjór er ofaná sem að auki, einangrar vel, fyrir utan, að það kemur alltaf geislahiti upp frá íbúðinni. Nú, síðan endurtekur þetta sig í nokkra daga. Þýða á daginn, frost á nóttinni. Við þessar aðstæður þá myndast ís-tappi þarna yst á þakskegginu. Og ef það kemur svo asahláka á eftir svona tíðarfari eins og hefur gerst hér fyrir norðan síðustu ár, oftast kringum áramótin, þá þiðnar þessi "tappi" miklu síðar en það sem er yfir þakinu.. og þá fer að leka. Auðvitað gæti komið frost kafli en það breytir ekki öllu. Klakinn á þakskekkinu er mun þykkri en klakinn á þakinu sjálfu og þegar hláka kemur, þá eru þessar aðstæður í raun alltaf fyrir hendi.

Oftast hef ég sloppið við að gera tvær rásir í klakann sem myndast á þakskegginu.

Albest er að setja nýmóðins þakdúk á svona flatt þak. Járn og lítill halli í snjóþungu umhverfi.. passar ekki.
Mun alveg örugglega setja dúk á þetta þak síðar.

Viðbót:
Íshúsið er með svona vír. http://www.calorflex.eu/en/wp-content/u ... -CABLE.pdf" onclick="window.open(this.href);return false;

Pantaði 10metra af þessu. Sýnist þessi vír vera eins og ég hafði hugsað mér að útbúa, það er, grannur vír er vafinn utan um plast-staut með hlífðarlagi.

Uppfært 10.nóv 2013

Setti þetta upp nú síðla sumars. Fékk flottan vír hjá Íshúsinu, keypti mér 16mm álrör, bútaði niður í 8 búta sem voru um 60cm langir. Þræddi vírinn inn í og lokaði með úritan kítti. Hafði um 70cm á milli stanga sem voru stungnar undir báruna og yfir þakið sitt hvoru megin við stropminn. Í kringum strompinn beygði ég rör (eftir að hafa hitað) og lét leiðara í mjúkri slöngu liggja í niðurföllin sitthvoru megin við strompinn. Mynd 3.

Síðustu daga hefur komið hellings snjókoma og dagana á eftir jafnvel rigning ofan á þakið. Síðustu daga hefur verið frost og var rúm -10°c í gær, 10.nóv

Svona lítur þak-endinn með engum hita út í dag: Svona lítur hann út með hita undir: Það eru komnar rákir og veruleg bráðnun undir snjóþekjuna.

Svona lítur þetta út í kringum strompinn: Þegar næsta asa-hláka kemur, þá er ljóst að rákirnar hreinsast af þeim litla klaka sem fraus þar í síðustu frostum og í það minnsta á sama tíma og klakinn fer að bráðna á þakinu, jafnvel fyrr enda sést það mjög vel á myndunum að bráðnunin er meir yfir þakskegginu en á þakinu sjálfu. Það þýðir að þegar vatn myndast á þakinu, þá verður ekki tappi lengur, heldur í það minnsta 10 rákir (8 stakar og tvær í kringum strompinn) sem leiða vatn niður í rennu.

Held barasta að þessi aðgerð hafi gengið upp 100%

Til marks um umhleypingarnar þessa dagana, þá var -9°c frost í morgun.. komið þriggja stiga hiti núna og slydda/rigning..

Aldeilis test á þetta í gærkveldi. Kom asahláka. Mjög fljótt eftir að hlákan byrjaði sem bráðnun átti sér stað upp á þaki. Á tímabili mátti heyra í niðurfallinu eins og það væri rigning úti.

Fór núna áðan að skoða þetta og tók m.a. þessa mynd: Þarna má sjá hvernig þetta virkar. Þar sem klakinn er ekki alveg bráðnaður þá liggja göng undir klakann sem veita vatninu fram.

Er með rör í rennunni sem og 30cm ofan í niðurfallið.

Stóðst allavega þessa raun.

hleypir bara rafmagni á allt helvítis þakið maður og hefur það rauðglóandi

Kristján skrifaði:hleypir bara rafmagni á allt helvítis þakið maður og hefur það rauðglóandi

Í bónus fær hann grillaða smáfugla sem tapasrétti

Get svo sem tekið gríni á þetta núna.. en undanfarin ár var ég orðinn létt pirraður á þessu, sérstaklega þar sem "iðnaðarmenn" voru mjög tregir til að leysa þetta fyrir mig, allskonar væl sem ég fékk að heyra.

Eins og svo ótrúlega oft áður.. þá verður maður að gera hlutina sjálfur..

Hugnaðist ekki 220v sem rafmagns-kallar vildu leggja þarna upp. Er með dimmer og max-stillingin sem ég leyfi er 17volt. Er stillt á max hjá mér sem er greinilega yfirdrifið miðað við bráðnunina. Vírinn gefur 30W við 220volt á 50cm. Núna er hann að gefa 2W á 50cm. Samanlagt er þetta um 40Wött sem ég er að nota í dag (um 10metrar af vír).

Garri skrifaði:Get svo sem tekið gríni á þetta núna.. en undanfarin ár var ég orðinn létt pirraður á þessu, sérstaklega þar sem "iðnaðarmenn" voru mjög tregir til að leysa þetta fyrir mig, allskonar væl sem ég fékk að heyra.

Eins og svo ótrúlega oft áður.. þá verður maður oftast að gera hlutina bara sjálfur..

Hugnaðist ekki 220v sem rafmagns-kallar vildu leggja þarna upp. Er með dimmer og max-stillingin sem ég leyfi er 17volt. Var stilltur á max hjá mér en er greinilega yfirdrifið. Vírinn gefur 30W við 220volt á 50cm. Núna er hann að gefa 2W á 50cm. Samanlagt er þetta um 20Wött sem ég er að nota í dag (um 10metrar af vír).

Hver ætli kostnaðurinn hefði orðið þá?
Og þú hefðir trúlega alltaf fundið einhvað að því.
Sú er reynslan hjá flestum iðnaðarmönnum sem reyna að "redda málum".

Er ekki bara málið að hreinsa vel og mála aftur þakið ?
Rennur miklu betur af hreinu þaki, og enn betur af hreinu nýmáluðu.
Svo er hægt að setja Rain-x á úðabrúsa og bera neðstu 30-50 cm af þakendanum til að vatnið stoppi síður þar og þar af leiðandi frýs ekki.

Baldurmar skrifaði:Er ekki bara málið að hreinsa vel og mála aftur þakið ?
Rennur miklu betur af hreinu þaki, og enn betur af hreinu nýmáluðu.
Svo er hægt að setja Rain-x á úðabrúsa og bera neðstu 30-50 cm af þakendanum til að vatnið stoppi síður þar og þar af leiðandi frýs ekki.

Ertu ekki að grínast?

Þú hefur kannski ekki lesið þráðinn en þakið er það sem kallað er, flatt þak. Lítill halli á því og snjór rennur ekki af þaki sem er með um 5-6 gráðu halla, hvort sem það er nýmálað, með rain-ex eða hvað er sett á það. Það er hinsvegar ekki langt síðan það var málað. Það hefur bara látið á sjá eftir að ég hef þurft að fara með kúbein þarna upp þegar svona asahláka hefur komið.

Það sem gerist í svona dæmum og gerðist hér nú í vetur var að hér kom um 50-60cm jafnfallinn snjór. Ofan í hann rigndi síðan. Þá blotnar neðsta lagið og eðlilega. Þá kom frost og eðlilega breyttist þessi bleyta í klaka þá. Frostið síðustu daga var í kringum -10°C

Nú, loks þá kom asahláka aftur. Hér á Akureyri var hífandi rok og 7-8°c hiti í gærkveldi. Götur, gangstéttir voru snarhálar afþví að klakinn sem hefur myndast í þessu tíðarfari, snöggbráðnar og vatn flýtur um allt. Það má m.a. sjá á síðustu mynd að allskonar gróður hefur sest á þakið eftir rokið.

Hér er frétt af Mbl.is

Mikil hálka á Akureyri

Tbot skrifaði:

Garri skrifaði:Get svo sem tekið gríni á þetta núna.. en undanfarin ár var ég orðinn létt pirraður á þessu, sérstaklega þar sem "iðnaðarmenn" voru mjög tregir til að leysa þetta fyrir mig, allskonar væl sem ég fékk að heyra.

Eins og svo ótrúlega oft áður.. þá verður maður oftast að gera hlutina bara sjálfur..

Hugnaðist ekki 220v sem rafmagns-kallar vildu leggja þarna upp. Er með dimmer og max-stillingin sem ég leyfi er 17volt. Var stilltur á max hjá mér en er greinilega yfirdrifið. Vírinn gefur 30W við 220volt á 50cm. Núna er hann að gefa 2W á 50cm. Samanlagt er þetta um 20Wött sem ég er að nota í dag (um 10metrar af vír).

Hver ætli kostnaðurinn hefði orðið þá?
Og þú hefðir trúlega alltaf fundið einhvað að því.
Sú er reynslan hjá flestum iðnaðarmönnum sem reyna að "redda málum".

Það hefði allavega þurft að jarðtengja þakið tryggilega, þannig ef útíleiðsla hefði átt sér stað, þá hefði þakið ekki verið með 220voltum, heldur slegið út.

En endurtek, þessi lausn sýnist mér vera alveg 100% Þessi veðrátta síðustu viku er einmitt svona kringumstæður sem við höfum lent í hér á Akureyri undanfarin ár..

Hérna væri gaman að fá status update

Ég fékk hugmynd að lausn á svona vandamáli.

Álrör eða stöng!!

ca 1.5m langt og ca 2 cm í þvermál, málað svart og lagt langsum í eina báru.

Ál er góður hitaleiðari og svartur litur lætur það drekka í sig sólargeisla.
Stöngin getur etv náð að bræða rás inni í klakanum og vatnið lekur niður.
Að bora mörg lítil göt á stöngina (ef rör) gæti svo bætt virknina...

edit: einnig setja nokkur dragbönd á stöngina svo hún snerti ekki þakjárnið