Re: Persónan "Gillz" vs "NöttZ"
Sent: Mán 03. Mar 2014 03:11
Garri skrifaði:0) Hvað segir þú um þá hugmynd að megin fylkingin sé fólk, bæði konur og karlar sem finnst jafnrétti eitthvað sem vert er að ná og þá fyrir bæði kynin, að konur fái full réttindi og karlar líka.
1) Í dag hallar eitthvað á bæði kynin. Karlar hafa það ekki betra en konur, reyndar tel ég karla hafa það verr en konur. Karlar lifa styttra, fremja oftar sjálfsmorð, fangelsin eru yfirfull af karlmönnum, karlmenn eru aflífaðir margfalt meir en konur, karlmenn vinna mestu ógeðsvinnu sem til er, karlmenn deyja mun oftar af völdum vinnuslysa en konur, karlar uppskera skertan hlut í öllu sem snýr að umgengni við börn sín, sérstaklega eftir skilnað, karlmönnum er att saman í stríð, karlmenn eru mun stærri sneið af heimilislausum, heilsa þeirra er verri, allt sem heitir hjálpar-net í öllum málaflokkum sem snerta karlmenn er mun síðra en kvenna, osfv. osfv. osfv.
2)Það er nokkuð ljóst að það er ekki réttlátt né sanngjarnt né jafnt á einn eða neinn hátt að mæla fyrir baráttu annars kynsins á kostnað hins þegar málum er svona háttað.
3)Femínismi er baráttusamtök. Barátta þeirra er fyrir aukin réttindi fyrir konur. Ekki fyrir auknum réttindum fyrir karla. Alveg sama þótt margt sé þar sem er vert að berjast fyrir og samtök sem mundu segjast vera jafnréttissamtök, mundu berjast fyrir til jafns á við mál sem hallar á konur.
4)Það að femínisminn berst aðeins fyrir auknum réttindum kvenna gerir femínismann að kvenréttindasamtökum. Það er ekki og getur því aldrei verið jafnréttissamtök.
5)Óheilindi femínista eru m.a. að segjast vera jafnréttissamtök. Þannig ljúga þau sig inn á grandvaralaust fólk. Með lygi.
6)Kynin eru ólík. Femínismi gengur út frá að kynin séu næstum alveg eins fyrir utan æxlunarfæri. Öll kynjafræði sem kennd er hérlendis og víðast á norðurlöndum lýgur blákalt um þessi "líkindi"
7)Mæli með að þú horfir á þetta myndband. Eftir það getur þú síðan skoðað hvernig samtök sem kenna sig við jafnrétti og miða allt við jafnstöðu ganga upp.
8)Þarna kemur bersýnilega fram hvernig "kynjafræðingar" afneita raunvísindum og stunda hyggju sem er á pari við sköpunarkenninguna. Sannindi og raunveruleiki víkur fyrir tilfinningarökum og óskhyggju.
Ath. Búið að íslenska þessa þætti, styðjið á cc
lol - byrjaði að númer á röngum stað þannig að ég tek þetta frá 0...
0) Femínismi er eitthvað meira en bara jöfn "réttindi" hann biður um jöfn "tækifæri" t.d. það er ekki nóg að pabbinn fái rétt til að umgangast börnin sín eftir skilnað, hann á að umgangast börnin sín og ef hann gerir það ekki, þá getur hann misst réttinn til þess.
1) Við erum sammála hér að því leiti að þú segir niðurstöðuna slæma fyrir karla en ég segi orsökina slæma fyrir konur.
Þú segir að karlar séu aflífaðar meir en konur. Ég dreg það í efa. Konur eru ekki einusinni fæddar þegar byrjað er að drepa þær, sérstaklega í Kína og Indlandi. Þó að karlar lifi skemur að meðaltali þá er fátt sem bendir til að lífsgæði þierra séu minni en kvenna, þvert á móti þá er litið á konur sem búgripi/eign karlmannana í mjög mörgum og fjölmennum samfélögum í heiminum.
Hvað varðar stuðningsnet, þá skil ég þig ekki 100% ertu að tala um mæðrastyrksnefnd?
Karlmenn njóta þess að læknavísindin eru hlutdræg í þeirra garð, veikindi kvenna eru minna rannsökuð og sjúkdómar/veikindi sem tengjast konum eingöngu fá oft minni stuðning en sjúkdómar/veikindi em eingöngu tengjast körlum.
2) Ekkert í femínisma er á kostnað karla. En að leiðrétta ójöfnuð felst í að taka af þeim sem hefur hlutfallslega of mikið og leiðrétta hlut þeirra sem eru með hlutfallslega of lítið. Ég væri til í að fá eitthvað kjarngott og almennt dæmi um að femínismi sé að kosta karlmenn eitthvað.
3)Femínismi er ekki samtök... heldur kennisetning sem ætlað er að stuðla að jafnrétti í orði og á borði.
4) Femínisminn berst ekki neitt, femínistar berjast. Og þeir berjast fyrir jafnrétti eins og það er skilgreint í kenningunni, jafn réttur og jöfn tækifæri.
5) Femínistar segjast ekki vera jafnréttissamtök, þeir segjast aðhyllast femínisma sem er kvenfrelsiskenning sem gengur út á að skilgreina jaðarhópa og bera réttindi þeirra og tækifæri saman við meðaltal og þegar frávik finnst fr´ameðaltalinu sem orsakast af einhverjum reglum, framkomu, hefðum eða samfélagslegum gildum, þá er það vandamál skilgreint og reynt að finna betri leið til að gera hlutina.
Ég er ekki í neinum samtökum, ég er skráður í þrjá stjórnmálaflokka og ég er femínisti... held að ég sé ekki skráður í neitt annað.
6) Femínismi gengur út á að líta á persónur í skilgreindum hópum/jaðarhópum og bera saman réttindi og tækifæri þeirra við réttindi og tækifæri annara. Kyn er breyta = það er gerður greinamunur á fólki eftir kyni. Femínismi og kynjafræði tengjast órjúfanlegum böndum, kynjafræði sem aðferðafræði við rannsóknir á jaðarhópum og femínsimi sem kennisetning til leiðsagnar um hvernig túlka ætti niðurstöðurnar.
Þú hljómar eins og eðlishyggjumaður og tækir því lílega ekki sömu ákvarðanir og ég út frá rannsóknum kynjafræðinnar.
En eðlishyggja er voðalega gamaldags - það er nánast búið að afsanna allar tengingar milli kynfæra og sérstakra hæfileika, þ.e. fyrir utan tilgang kynfærana auðvitað.
7) Þetta var fínt myndband sem lýsti bara viðhorfum eðlishyggjunar t.d. 5:46 "Ég hélt að í samfélögum er teldust jafnréttissinnuð, hefðu kynin sömu áhugamál." Þessi spurning snertir ekki einusinni það svið sem femínistar berjast fyrir breytingum á. Femínistar eru ekki að berjast fyrir því að karlar og konur hafi sömu áhugamál eða að það sé jafnt hlutfall karla og kvenna í öllum atvinnugreinum.
Hefur þú séð það einhverstaðar?
Það eru kynjakvótar/viðmið í nefndir og ráð hjá ríki og borg og núna í stjórnir stærri fyrirtækja.
8) Þarna kemur fram einhver hugmynd um hvernig norkst samfélag er. Þetta myndband kemur lítið inn á femínisma nema með einum hætti. Að samfélagsmótun geti átt þátt í að takmarka atvinnumöguleika kvenna og karla með því að ýta þeim í átt að störfum sem falla að þeirra kynhlutverki eins og samfélagið hefur skilgreint það.
Þannig er það...