Langar í gluggasyllu en ekkert pláss

[appel]

Langar að setja svona klassíska gluggasillu í staðinn fyrir svona múr. Langar að hafa þetta slétt og lakkað hvítt, og þetta komi aðeins út svo ég geti sett blómapotta og svona skraut þarna. Lítið pláss núna.

Svona er þetta hjá mér. Það er bara um 1,3-1,4 cm upp í listann. Ideally myndi maður ekki vilja hafa þetta jafnhátt og gluggalistinn er. En það gefur manni ekki mikla þykkt til að vinna með, kannski bara örfáa millimetra!

silla.jpg (45.18 KiB) Skoðað 4489 sinnum

langar að koma einhverju svona fyrir:

3.jpg (38.08 KiB) Skoðað 4489 sinnum

Einhver með hugmyndir? Hvar get ég fengið svona? Ég get ómögulega smíðað svona sjálfur.

[Manager1]

Það ætti að vera lítið mál fyrir þig að fá smið til að henda svona í gluggann. Ég býst ekki við að þú getir farið í Byko eða Húsasmiðjuna og keypt gluggasyllu sem passar í gluggann þinn, þetta er alltaf sérsmíði.

[appel]

Þá þarf bara að finna smið sem rukkar mann ekki um milljón kall fyrir 5 glugga.

[Stuffz]

meira pláss undir bónusbirgðirnar?

[arons4]

Hef verið í einmitt öfugum pælingum, er með sólbekk sem er eins og gert hafi verið ráð fyrir ofni og ofninn aldrei settur, nær langt út á gólf.
Ef þetta er múr en ekki steypa þá ætti ekki að vera mikið mál að brjóta hann og búa til pláss fyrir sólbekk, getur bankað í hann með einhverju hörðu til að komast að því, heyrir strax ef það er hol bakvið eða hvort það sé gegnheil steypa.

Getur látið smíða fyrir þig sólbekk eftir málum, sólbekkurinn nótast í rauf sem er í glugganum í svipaðri hæð og múrinn sem er núna.

Ef það er ekki gerefti og múrinn nær allann hringinn þarf að búa til pláss fyrir sólbekk, múra svo nýjann svona kant og tengja hliðarnar á hann, svo legst sólbekkurinn þar ofaná

Ef það er gerefti og timbur hliðar í glugganum þarf enga múrvinnu, bara brjóta frá þessu til að búa til pláss, sólbekkurinn settur í, og svo listi undir hann sem lokar bilinu, gæti hugsanlega þurft að lengja hliðarnar niður að sólbekknum.


Því meira sem þú getur gert sjálfur, því minna mun þetta kosta.

[Televisionary]

Svona er þessu skemmtilega skipt á milli fólks. Ég keypti gamalt raðhús og þar fórum við og rifum þetta allt í burtu. Þetta var ekki nógu fallegt að okkur fannst. Það fór mikil vinna í að ná þessu fallegu hjá okkur og lakka gluggana hvíta.

Gangi þér vel með þetta verkefni. En fáðu fagmann í eitthvað af þessu svo að þetta líti vel út.

[asgeireg]

Gætir brotið upp múrinn sem er þarna, þá ertu kominn með nóg pláss. Mjög líklegt að gluggastykkið sé með rás fyrir sólbekk, þessi gluggastykki eru langflest hönnuð eins, hvort sem þú ætlar að múra eða nota sólbekk.

[demaNtur]

Þarf ekki að vera mikið mál að redda þessu.

Getur farið á trésmíðaverkstæði og látið græja fyrir þig plötur í réttri lengd miðað við glugga, látið fræsa úr öðru megin (sjá mynd fyrir neðan) þannig að það standi þykkari silla úr glugganum, límir þetta svo fast niður með kítti eða öðru

Ódýrt, einfalt og sparar hellings vinnu, td. að brjóta niður múr.

Mad paint skills.


*Edit, hægt að setja styrkingu undir, járnvinkla eða annað til að þetta brotni nú ekki eða bogni undan þunga

[appel]

Þarf ekki að vera mikið mál að redda þessu.

Getur farið á trésmíðaverkstæði og látið græja fyrir þig plötur í réttri lengd miðað við glugga, látið fræsa úr öðru megin (sjá mynd fyrir neðan) þannig að það standi þykkari silla úr glugganum, límir þetta svo fast niður með kítti eða öðru

Ódýrt, einfalt og sparar hellings vinnu, td. að brjóta niður múr.

Mad paint skills.


*Edit, hægt að setja styrkingu undir, járnvinkla eða annað til að þetta brotni nú ekki eða bogni undan þunga

Takk demantur.

Já, kannski er það ódýrast að gera þannig. Myndi líklega fá smið til að taka málin og skoða þetta. Ég gæti kannski lakkað þetta. Mér sýnist að þetta þyrfti að fá einhverja styrkingu því annars væri tréið alltof þunnt og nær enginn burður.

Ég veit ekki hve mikil múrhúðin er ef einhver. Steinninn er þarna beint undir, húsið einangrað að utan.

[appel]

Vitiði um einhverja smiði sem þið getið mælt með?

[worghal]

Vitiði um einhverja smiði sem þið getið mælt með?

GuðjónR sagði mér að hann er hættur að smíða en hann hlítur að eiga tólin til að hjálpa þér

[brain]

Tékkaðu á Trévídd

https://www.facebook.com/treviddin/

unnu fyrir mig í Des. góð vinnubrögð og sópuðu eftir sig.

[Birkir Tyr]

Ég styð hugmyndina hjá demaNtur. Einfaldast að smíða úr borðplötu eða MDF. Láta fræsa úr henni eða saga innan úr henni (betra að fræsa). Kítta hana niður með góðu kítti, einhverju sem þolir mikinn þunga og er sterkt. Setja það á alla kanta og undir. Setja vinkill undir plötuna og festa hann með steinskrúfum (reknöglum eða rekboltum) í vegginn og tréskrúfum uppí plötu. Myndi setja steinskrúfur í sitthvora hliðina á plötunni (flöturinn sem liggur á sillunni) og ofan í silluna og hægt að fela götin með því að setja akrílkítti ofan í og málað yfir. Þá er þetta að verða skothelt.

Ath, þetta er ein leið.

Kv Birkir smiður