Ford Triton V8 5,4l Skipta um kerti

[ragnarm09]

Sælir
Nú er komið að því að skipta um kerti í bílnum. Ég ætlaði að gera það sjálfur og fór að leita uppl. á netinu eins og menn gera gjarnan sem vilja hafa vaðið fyrir neðan sig. Þá kemur í ljós að það er hönnunargalli hjá Ford í þessum vélum. Kertin eru tvískipt þannig að stálhlutinn sem kertatoppurinn grípur í og gengurnar losta auðveldlega í sundur og hálft kertið, neðri hlutinn, verður eftir í heddinu. Ford leysti þetta með því að búa til "special tool" til að ná neðri partinum úr. Ég hringdi í Brimborg í fyrra og þeir sögðu að það kostaði 65-90 þ að skipta um kertin.
Mín spurning er hefur einhver hér á vaktinni reynslu af því að skipta um eða láta skipta um kerti í þessum vélum. Þessar vélar eru í Ford F-150 og Expedition 2003-2008.

kv Ragnar

[worghal]

Kaupa bara tólið hérna

[Minuz1]

90 þúsund að skipta um kerti...lol!!!!!!
djöfulsins grín, þú ættir í raun bara að borga eðlilegt gjald, framleiðandinn ætti að borga restina af gjaldinu, víst gallinn er þeirra megin.

[ragnarm09]

Sælir
Málið er að ég treysti mér algerlega í þetta. Hins vegar eru gaurarnir í Brimborg með reynslu og minni líkur á að eitthvað fari úrskeiðis. T.d. hef ég séð video þar sem pinninn í miðju kertinu hefur brotnað og setið fastur i neðri hlutanum, þá virkar ekki apparatið nema bora pinnann úr.
Ford hefur aldrei viðurkennt þetta sem galla.
Maður þarf að meta það hvort er betra kaupa það sem þarf að utan, ca. 30þ, eða fara öruggu leiðina og láta taka sig í þurrt.

kv

[GullMoli]

Hefurðu athugað með vélaverkstæði eins og Kistufell eða einhver sérhæfð Ford verkstæði? Þau hljóta að vita af þessu vandamáli.

[ragnarm09]

Sæl
Fór með bílinn í Brimborg. Það er búið að keyra hann 149þ og hefur ekki verið skipt um kerti áður, því ákvað ég að taka ekki neina sénsa. Þeir voru með hann í 1,5 dag, öll kertin pikkföst og brotnuði í heddunum, reikningurinn 101þ. En þvílíkur munur á bílnum.